2020 jyl elımız üşın synaqqa toly jyl bolsa da, Şymkent qalasy jyldy jaqsy körsetkıştermen aiaqtap otyr. Eseptı kezdesuınde osylai degen qala äkımı M.Äitenov tūrǧyndar qoldau körsetıp otyrsa, biylǧy jylyda jaqsy körsetkışterge qol jetkızıletınıne senımdı ekenın aitty.
Äkımnıŋ aituynşa, ötken jyly qala biudjetı ekı esege ösıp, 244,4 milliard teŋgeden 463,4 milliard teŋgege jetken. Sonymen qatar, Şymkent tarihynda alǧaş ret 1 mln şarşy metrden astam tūrǧyn üi qūrylysy jürgızılgen. Al, investisiia kölemı 41 paiyzǧa ösken.
Jalpy Şymkent qalasynda aldaǧy bes jylda 3 millionnan astam şarşy metr tūrǧyn üi qūrylysyn jürgızu josparlanuda. Nätijesınde, 3 myŋǧa juyq köp balaly otbasy jäne äleumettık älsız toptaǧy azamattar baspanamen qamtuǧa mümkındık beredı. 2021 jyly osy jūmystardy bastauǧa 51 köp qabatty tūrǧyn üilerdıŋ qūrylysyna biudjetten 11,5 mlrd. teŋge qarastyrylǧan.
Foto: Bereke SEIITJAPPAR
Şymkent qalasy äkımdıgınıŋ baspasöz qyzmetı
