Şymkent köşelerın qardan tazalap, köktaiǧaqtyŋ aldyn alu şaralary öz deŋgeiınde atqarylyp otyr.
Osy maqsatta kommunaldyq 5 mekeme küşeitılgen kestede, 32 baǧytta jūmys ısteude. Nätijesınde jaiau jürgınşıler joly men aialdamalar, äleumettık nysan aumaqtary, eldı mekenderdegı ortalyq köşeler qardan tazartyldy.
Qar tazalau jūmysyna bır uaqyttyŋ özınde 600-ge juyq jūmysşy, 125 tehnika jūmyldyryldy. Qazırgı uaqytta kommunaldyq mekeme qyzmetkerlerı köşelerde köktaiǧaqty boldyrmau üşın 1347 tekşe metr inerttı material seuıp şyqty.
Aita keteiık, qysqy mausymda qalany «LTD tūrmys», «Iýgdorservis», «Bäiterek LB», «Nūrtas servis» jäne «Jasyl jer» kommunaldy mekemelerı tehnikamen qamtamasyz etude.
Nazarlaryŋyzǧa salsaq, 25-26 künderınde synap baǧanasy tünde -11-14°C, kündız -7-8°C deiın tömendeidı. Keide tūman. Batystan 8-13 m/s jyldamdyqpen jel soǧady.
Qosymşa sūraqtar boiynşa tegın «109» bıryŋǧai bailanys nömırıne habarlasuǧa bolady.
Şymkent qalasy äkımdıgınıŋ baspasöz qyzmetı
