Shymkent kóshelerin qardan tazalap, kóktaıǵaqtyń aldyn alý sharalary óz deńgeıinde atqarylyp otyr.
Osy maqsatta kommýnaldyq 5 mekeme kúsheıtilgen kestede, 32 baǵytta jumys isteýde. Nátıjesinde jaıaý júrginshiler joly men aıaldamalar, áleýmettik nysan aýmaqtary, eldi mekenderdegi ortalyq kósheler qardan tazartyldy.
Qar tazalaý jumysyna bir ýaqyttyń ózinde 600-ge jýyq jumysshy, 125 tehnıka jumyldyryldy. Qazirgi ýaqytta kommýnaldyq mekeme qyzmetkerleri kóshelerde kóktaıǵaqty boldyrmaý úshin 1347 tekshe metr ınertti materıal seýip shyqty.
Aıta keteıik, qysqy maýsymda qalany «LTD turmys», «Iýgdorservıs», «Báıterek LB», «Nurtas servıs» jáne «Jasyl jer» kommýnaldy mekemeleri tehnıkamen qamtamasyz etýde.
Nazarlaryńyzǵa salsaq, 25-26 kúnderinde synap baǵanasy túnde -11-14°C, kúndiz -7-8°C deıin tómendeıdi. Keıde tuman. Batystan 8-13 m/s jyldamdyqpen jel soǵady.
Qosymsha suraqtar boıynsha tegin «109» biryńǵaı baılanys nómirine habarlasýǵa bolady.
Shymkent qalasy ákimdiginiń baspasóz qyzmeti
