Saryaǵashtyq polıeıler karantın kezinde 200-ge jýyq adamdy jınap, qyz uzatý toıyn jasaǵandardy anyqtady, dep habarlaıdy «Adyrna» tilshisi Polisia.kz-ke silteme jasap.
Saryaǵash aýdanynyń polıeılerine jergilikti turǵynnyń toıhanalardyń birinde qyz uzatý toıyn ótkizip jatyr degen habarlama túsken. Habar alysymen mobıldik toppen tez arada kórsetilgen meken-jaıǵa jetip, tekserý jumystaryn júrgizdi.
Nátıjesinde 200-ge jýyq adamdy jınap, toı istep jatqandary belgili boldy. Polıeılerden qurylǵan mobıldi top toıdy toqtatyp, toı ıesine QR ÁQBtK-niń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha hattama toltyrylyp SEBB-ǵa joldandy.
Túrkistan oblysynyń polıeıleri karantın rejımine baılanysty epıdemıologııalyq jaǵdaıdyń kúrdelenýine oraı, karantınniń saqtalýyn baqylaý boıynsha is-sharalar júrgizýdi jalǵastyrýda. Mobıldi toptar azamattardyń, saýda jáne oıyn-saýyq oryndarynyń, dúkender men bazarlardyń ıelerimen, sondaı-aq adamdar kóp jınalatyn oryndarda, qoǵamdyq kólikterde jáne kóshelerde karantın men ózin-ózi oqshaýlaý rejıminiń saqtalýyn tekserýde. Bul baǵyttaǵy jumystar turaqty júrgiziletin bolady.
«Adyrna» ulttyq portaly
