Qazaqstandyq oquşylar nauryzdan bastap mektepte oqidy. Būl turaly Qazaqstannyŋ bas memlekettık sanitar därıgerı Erlan Qiiasovtyŋ karantin turaly jaŋa qaulysynda aityldy.
2021 jylǧy 1 nauryzdan bastap jalpy bılım beretın mektepterde 1-den 5-synypqa deiın qosa alǧanda, halyqaralyq mektepterde 1-den 7-synypqa deiın qosa alǧanda aralas oqidy.
Sondai-aq oqu bıtıretın synyptar (9, 11 (12) synyptar) üşın aptanyŋ 6 künı ışınde aralas oqytuǧa rūqsat etıldı: pänderdıŋ 70%-y ştattyq rejimde, 30%-y qaşyqtan ötedı (synypta 15 adamnan artyq emes, äleumettık qaşyqtyqty saqtau, 1 synyp - 1 kabinet qaǧidaty boiynşa oqytu, bır uaqytta mektepte jobalyq quattyŋ 30%-dan aspaityn adamnyŋ boluy, sanitariialyq-dezinfeksiialyq rejimdı, maska rejimın küşeitu talaptaryn oryndau qajet).
Bılım beru mekemesı äkımşılıgınıŋ şeşımı boiynşa sabaqtan tys uaqytta 15 adamnan aspaityn toptarda oquşylardy jeke oqytuǧa rūqsat berıldı. Onyŋ ışınde kolledjder men joǧary oqu oryndarynyŋ I kurs studentterı üşın ekınşı semestrden bastap ştattyq oquǧa bolady.
«Adyrna» ūlttyq portaly
