Jol apaty, jüktı äieldı kölıkte bosandyru men türlı oqys jaǧdailar. Bız üşın mūndai jaǧdailar taŋǧalarlyq bolsa, feldşer mamandary üşın kündelıktı qyzmet. Sondyqtan da būl jūmysty tek sol ıstıŋ naǧyz mamandary, adam ömırın saqtaudy - boryşy dep sanaityn abzal jandar ǧana atqara alady. Solardyŋ bırı- Meirambek Arǧynbaev.
M.Arǧynbaev - qalalyq jedel järlem stansiiasyndaǧy №1 qosalqy stansiianyŋ qarqyndy terapiia brigadasynyŋ därıgerı bolyp jūmys ısteidı.
Bılıktı maman 11 jyldan berı densaulyq saqtau salasynda qyzmet etıp keledı. Köbıne auyr jaǧdaidaǧy nauqastarǧa kömek körsetetın maman reanimasiialyq kömek körsetude üzdık ekenın däleldei bılgen. Osy künge deiın feldşer klinikalyq ölım jaǧdaiyndaǧy 40-qa juyq azamatqa sättı reanimasiialyq kömek körsetıp, ajaldan araşalap qalǧan.
Feldşer özınıŋ mamandyǧyn maqtan etetının aityp, halyqtyŋ saulyǧy üşın aianbai eŋbek etemın deidı.
–Osydan bır ai būryn kezekşılık kezde qaladaǧy «Terıskei» şaǧyn audanynan şaqyrtu tüstı. Bız barǧan kezlde es tüssız halde keruette jatqan er kısıge bırınşı medisinalyq kömek körsettık. Nauqasty tekserıp jatqanda kenetten jüregı toqtap qaldy. Uaqyt joǧaltpai dereu kömekşımız ekeumız reanimasiialyq ıs şaralardy jasap, 4 minut ışınde nauqasty klinikalyq ölım jaǧdaiynan şyǧardyq. Keiın nauqasty jürek ortalyǧyna jedel järdemmen jetkızdık. Nauqastyŋ densaulyq jaǧdaiy jaqsaryp, otbasyna aman-esen oraldy» -deidı feldşer.
Jas därıger bılıktılıgınıŋ arqasynda köptegen nauqastardyŋ alǧysyn alǧan. Ol «jedel medisinalyq kömek», «reanimatologiia jäne anesteziologiia» baǧdarlamalary boiynşa bılıktılıktın arttyrǧan.
Şymkent qalasy äkımdıgınıŋ baspasöz qyzmetı
