1 nauryz - Alǧys aitu künıne orai «30 qaiyrymdy ıs» respublikalyq marafony bastalyp, az qamtylǧan otbasyǧa bır päter, 700 otbasyǧa jyldyq azyq-tülıkpen qamtamasyz etu üşın alǧaşqy sertifikattar tapsyryldy.
Is-şarada Alǧys aitu künımen qūttyqtaǧan Atyrau oblysynyŋ äkımı Mahambet Dosmūhambetov öŋır halqyna alǧys aitty.
Sosyn bırqatar ırı kompaniiaǧa, medisina men äleumettık sala qyzmetkerlerı, qūqyq qorǧau organy ökılderı, erıktıler, mesenattar sondai-aq mūǧalımder jäne özge de atsalysqandarǧa arnaiy rizaşylyǧyn jetkızdı.
Öz kezegınde Qazaqstan halqy assambleiasynyŋ Atyrau oblysyndaǧy etnomädeni ortalyǧy «Thonil» kärıs etnomädeni bırlestıgınıŋ jetekşısı Liudmila Valentinovna Assambleiasynyŋ negızın qalaǧan Elbasyna, yntymaǧy jarasqan Qazaqstan halqyna alǧys aitty.
Atalǧan ıs-şara şeŋberınde qala sondai-aq audan äkımderı jergılıktı käsıpkerler arqyly az qamtylǧan 700 otbasyny jyldyq azyq-tülıkpen qamtamasyz etu üşın alǧaşqy sertifikattar tabys etıletının habarlady. Al ondaǧan jyl bır bömelı üide tūryp kelgen jetı balaly otbasyǧa demeuşılık arqyly Atyrau qalasynan 2 bölmelı päterdıŋ kıltı berıldı.
Sonymen qatar, «Atameken ūlttyq käsıpkerler palatasy janyndaǧy «Atyrau oblysy ısker äielder qauymdastyǧy» töraiymy Güljan Mūhataeva ekı jasöspırımnıŋ emıne jäne mümkındıgı şekteulı medisina qyzmetkerıne qarjylai qoldau bıldırıp, sertifikattar tabystady.
Al, qaiyrymdylyq marafony şeŋberınde oblystyq ışkı saiasat basqarmasynyŋ ūjymy onkologiialyq syrqatpen auyratyn balalar üşın oblystyq balalar auruhanasyna 5 dana planşet tabys ettı.

«Qūrmettı jerlester, Sızderge myŋ alǧys! Bügın bırneşe maŋyzdy datalar toǧysqan kün. 1 nauryz – tek «Alǧys aitu» merekesı ǧana emes, Qazaqstan halqy Assambleiasy men «Nur Otan» partiiasynyŋ da qūrylǧan künı. Sondyqtan da maŋyzdy künnıŋ märtebesı ärdaiym arta bersın! Atalǧan qūrylymdar Täuelsızdıktıŋ tūǧyrly boluy üşın erekşe röl atqardy. Olardyŋ memleket saiasatyn jürgızudegı, sondai-aq eldegı beibıtşılık pen kelısımdı nyǧaitudaǧy alar orny erekşe»,- degen Mahambet Dosmūhambetov biyl Täuelsızdıgımızdıŋ 30 jyldyǧy aiasynda qaiyrymdylyq marafony bastalǧanyn jäne barşa atyraulyqtardy osy igı ıske atsalysuǧa şaqyrdy.Sonymen qatar, ötken jyl küllı älem üşın de, elımız üşın de kürdelı synaqtarǧa toly bolǧanyna toqtalǧan öŋır basşysy tötenşe jaǧdai kezınde atyraulyqtar qaiyrymdylyqtyŋ jarqyn ülgısın körsetkenın rizaşylyqpen atap öttı.
Ūqsas jaŋalyqtar

