Jambyl oblysynda jaiylyp tūrǧan soǧym etı ūrlandy. Jylqy men qoi etın üptep ketken ūry alystan kelmeptı.
Keleŋsız oqiǧa Tūrar Rysqūlov audany Kögerşın auylynda bolǧan. Izdestıru şaralary barysynda küdıkke sol üidıŋ 33 jastaǧy küieu balasy ılıkken.
Ol maldy soiuǧa sol künı qaiyn jūrtyna järdemdesıp jürgen. Tün aua et jaiylǧan qoranyŋ esıgın būzyp kırıp, tügın qaldyrmai alyp ketken, dep habarlady "Astana" arnasy.
Tergeu barysynda küdıktı ūrlyq jasaǧan sätte mas bolǧanyn, soǧymdy asyp jeu maqsatynda alǧanyn moiyndady deidı polisiia ökılderı. Endı et asyp jegısı kelgen küdıktı qaiyn jūrtynyŋ keşırımın almasa, temır torǧa toǧytylǧalmaq.
"Atalǧan derek boiynşa Qazaqstan Qylmystyq kodeksınıŋ 188-baby 3-bölıgı 3-tarmaǧymen sotqa deiıngı tergeu amaldary bastaldy. Körsetılgen bapqa säikes, ekı jyldan jetı jylǧa deiingi merzimge bas bostandyǧynan aiyru jazasy közdelgen", - deidı Jambyl oblystyq polisiia departamentı baspasöz qyzmetınıŋ jetekşısı Gülsara Mūhtarqūlova.
