Türkıstan oblysy Tölebi audanynda üşem düniege keldı, dep habarlaidy oblys äkımınıŋ baspasöz qyzmetı.
Leŋgır qalasynyŋ 36 jastaǧy tūrǧyny Aqerke Sergebaeva oblystyq №1 perinataldy ortalyǧynda ekı qyz ben bır ūl bosandy.
Türkıstan oblysy qoǧamdyq densaulyq basqarmasynyŋ mälımetınşe, osymen oblysta jyl basynan berı ekınşı üşem düniege keldı. Jaŋa tuylǧan närestelerge Baljan, Maǧjan, Toǧjan esımderı berıldı.
Merzımınen erte tuǧan üşem perinitaldyq ortalyq därıgerlerınıŋ baqylauyna alynǧan. Medisina qyzmetkerlerınıŋ kömegımen säbiler salmaq qosyp, densaulyq jaǧdaiy jaqsarǧan. Üşem perzenthanadan şyǧuǧa äzır.
Üşem dünie kelgen otbasynyŋ bır ūl men üş qyzy bar. Otaǧasy da, köpbalaly ananyŋ özı de mektepte jūmys ısteidı.
«Qorqynyş boldy, ärine. Allanyŋ syiyna sansyz şükır. Säbilerımdı baǧyp, kütken därıgerlerge şeksız rizamyn», – deidı üşemnıŋ anasy.Jyl basynan berı Türkıstan oblysynda 10 myŋnan astam säbi düniege keldı.
