Qazaqstanda alǧaş ret kompiuterlık formatta ötkızıletın Ūlttyq bıryŋǧai testıleuge tırkelu bastaldy, dep mälımdedı Ūlttyq testıleu ortalyǧynyŋ direktory Didar Smaǧūlov. Būl turaly Sputnik.kz habarlaidy.
"Dostar, nauryzda ötetın ŪBT-ǧa tırkelu: 4 nauryzdan bastap app.testcenter.kz sıltemesı arqyly jürgızılude. Elımızdegı karantindık şekteulerge säikes, testıleu tızımmen ötkızıledı", - dedı ol.Testıleu 10 nauryz ben 10 säuır aralyǧynda ötkızıledı. Qūny - 2 242 teŋge. Nauryzdaǧy ŪBT sertifikatymen joǧary oqu oryndaryna aqyly negızde tüsuge bolady. Tırkelu barysynda ŪBT ötkızu punktınıŋ qaisy jūmys ısteitını körsetıledı. Būǧan deiın Didar Smaǧūlov qazaqstandyq tülekter ŪBT-ny üş ret tapsyryp köre alatynyn habarlaǧan bolatyn. Bır ret aqyly, al qalǧan ekı ret tegın. Grantqa tüsu üşın testıleu säuır-mausym aralyǧynda ötedı. Ekı tegın test bolady. Al nauryz aiyndaǧy kompiuterlık formattaǧy ŪBT aqyly bölımderge tüsu üşın arnalǧan. Oǧan tülek öz qalauymen qatysa alady.
