Super.mamasita atymen äigılı bolǧan qazaqstandyq tanymal bloger Äliia Baituǧaeva 5 million oqyrmany bar Instagram paraqşasynan aiyryldy. Būl turaly ol özınıŋ äleumettık jelısınde aitty, - dep «Adyrna» ūlttyq portaly Tengrinews.kz-ke sıltep habarlaidy.
8-nauryzda Äliia Baituǧaeva bes million oqyrmany bar auditoriiasynyŋ özıne qaitarylmaityny jaily aitqan videosy jariialandy.
«Men jaŋa ǧana menıŋ paraqşamnyŋ qaitarylmaitynyn bıldım. Būny men tıptı elestete almaimyn. Men bes jyl boiy osy üşın ter töktım. Al endı akkauntymdy qaitarmaidy. Būǧan sene almaimyn. Būl qalai bolǧany» - dedı ol közıne jas alyp.
Keibır qazaq blogerlerı #mamasitazhivi heştegımen äleumettık jelıde türlı jazbalarymen qoldady.
Esterıŋızge sala keteiık, aqpan aiynyŋ basynda Almaty sanitarlyq inspektorlary karantin kezınde bloger “Super Mamasita» ötkızgen toidyŋ videosyn tekserıp şyqqan bolatyn. Al 2020 jyldyŋ säuırınde Äliia Baituǧaevaǧa karantin talaptaryn būzǧany üşın aiyppūl salynǧan edı.
Sonymen qatar, blogerdıŋ tırı jolbarystyŋ üstıne mınıp tüsken suretterın qazaqstandyqtar qatty synǧa aldy deidı BAQ ökılderı.
Dina LİTPİN, «Adyrna» ūlttyq portaly
