Qazaqstannyŋ Koreia Respublikasyndaǧy elşısı Baqyt Düisenbaev Hankuk şet tılderı universitetınıŋ vise-prezidentı Şin Joŋ Huanmen jäne universitettıŋ tülegı Soi Ion Sonmen kezdestı. Būl turaly Syrtqy ıster ministrlıgı habarlady.
Is-şara aiasynda Choi Ion Sonnyŋ
Túrkistan gazetıne bergen sūhbaty jariialanǧannan keiın joldanǧan Prezident Qasym-Jomart Toqaevtyŋ haty tabys etıldı.
Memleket basşysy maqalany oqyp, ony joǧary baǧalaǧan bolatyn. Özınıŋ hatynda ol Choi Ion Sonǧa rizaşylyǧyn bıldırıp, qazaq tılın zerttep, korei-qazaq sözdıgın qūrastyruyn qoldaitynyn jetkızdı.
Soi Ion Son 2019 jyldyŋ aqpanynda Hankuk şet tılderı universitetın qazaq tılı mamandyǧy boiynşa bıtırdı. Studenttermen almasu baǧdarlamasy şeŋberınde 2015-2016 jyldary äl-Farabi atyndaǧy Qazaq ūlttyq universitetınde oqyp, 2017 jyly «Astana EXPO – 2017» halyqaralyq mamandandyrylǧan körmesınde Koreia Respublikasynyŋ pavilonynda qyzmet ettı.
Qazırgı uaqytta ol Hankuk şet tılderı universitetınıŋ ǧylymi qyzmetkerı retınde jūmys ıstep, qazaq tılın zertteu men ony nasihattau boiynşa eŋbegın jalǧastyruda. Ol qazaq tılın joǧary deŋgeide meŋgerıp qana qoimai, halqymyzdyŋ mädenietı men dästürın tereŋ bıledı.
Soi Ion Son Túrkistan gazetıne bergen sūhbatynda qazaq tılın üirengenı, korei-qazaq sözdıgın qūrastyryp jatqany, elımızdegı oqu men ömır sürudıŋ täjıribesı turaly öz äserımen bölıstı. Sonymen qatar özınıŋ Qazaqstanǧa qatysty bolaşaq jospary turaly aitty.
Basqalarmen bölıse
otyryŋyz
