Mońǵolııada qatty qumdy daýyl turyp, alty adamnyń ómirin qıdy. Seksennen astam adam habar-osharsyz ketti, dep habarlaıdy “Adyrna” ulttyq portaly Sputnik Qazaqstan saıtyna silteme jasap.
Demalys kúnderi Mońǵolııada qumdy daýyl turdy. Tabıǵat apaty alty adamnyń ómirin qıdy, taǵy seksennen astamy iz-túzsiz joǵalyp ketti. Olardyń kóbisi kóshpeli malshylar. Qazirgi tańda izdeý-qutqarý jumystary jalǵasýda.
Mońǵolııanyń Meteorologııa jáne qorshaǵan ortany baqylaý ulttyq agenttiginiń málimetinshe, 12 naýryzdan bastap eldiń basym aýmaǵynda qatty qumdy daýyl turdy. Ortalyq jáne ońtústik provınııalarda jeldiń jyldamdyǵy saǵatyna 120 shaqyrymǵa deıin jetken. Oqıǵa saldarynan turǵyndar jaryqsyz qaldy.
