«Adyrna» ūlttyq portaly taiauda ǧana Qyzylorda oblysy, Baiqoŋyr qalasyndaǧy medisina salasyna qatysty keleŋsız jaittar turaly jazǧany mälım. Ökınışke qarai, aqparat qūralynda jaryq körgen problema şeşıludıŋ ornyna, kerısınşe şielenısıp bara jatqan siiaqty. Redaksiiamyzǧa habarlasqan baiqoŋyrlyq Galifa Darbuzova qazırgı jaǧdai turaly arnaiy habarlady. Tömende avtordyŋ jazbasyn nazarlaryŋyzǧa ūsynyp otyrmyz.
«Keibireuleriŋız men kötergen mäselenıŋ nemen aiaqtalǧanyn bılgım keledı, jauap kütemın depsizder. Tüsıngenderıŋızge köp raqmet. Bir apta uaqyt öttı .Komissiia keldi. Şyny kerek, bizdiŋ aiqai-şuymyzǧa keldi me nemese bas därıger özı şaqyrdy ma, tüsınbei qaldyq. Komissiia kelgende bizde ümıt pen senım paida bolyp edi. Sol künı tüskı asqa baryp kelgennen-aq olardyŋ közboiauşylyq üşın kelgenine köz jetkızdık. Biz kötergen sybailastyq mäselesı jabuly qazan küiınde qaldy. Auruhanada bolyp jatqan keleŋsız jaǧdailardyŋ bolyp jatqanyn oblys äkımınıŋ aldynda köterıp jürgen Ardagerler keŋesınıŋ töraǧasy bolatyn. Bas därıger ol kisiniŋ auyryp jatqanyn paidalanyp, özıne jaqyn, sözın söileitın «ardager symaqtardy» jinap kelıptı. Komissiiaǧa özın jaqtatyp, «Ūiat bolmasyn» dep sözın söilettı. Şaruaşylyq salasyndaǧy kemşilikterdı tekseruge kelgen komissiia tüsınıkteme jazyŋdar ,biraq bas därıgerlerımen aqyldasyp,kelisip jazyŋdar dedı. Osydan keiin olardan ne ümıt, ne qaiyr? Endi qazır Ädılhan Jandos özınıŋ orynbasaryna, bas medbikesine ärtürlı is-qimyldardy paidalanyp, özınıŋ atyna jūmyskerlerden qoldau hatqa qol jinap jatyr. Paidasy tiip qala ma dep jatqan şyǧar, mümkın. Oblzdravtan ümıt joq. Bas därıger ötkende: «men S. Pazylovqa pysqyrmaimyn»,-degen. Şyn sekıldı. Etika qaida? Oblys äkımınıŋ atyna jala japty,kir keltirdi, bärı bos qaldy! Qandai şeşım bolady ,ne şeşiledi,osylai qazannyŋ auzy jabylǧan küiı qala bere me? Bız eşteŋege senbei qaldyq».
Galifa DARBUZOVA,
Baiqoŋyr qalasynyŋ tūrǧyny.
Foto aşyq derekközden alyndy.
