Gazdan ulanǧan bes adamnyŋ qaza boluyna küdıktı retınde Türkıstan qalasynyŋ tūrǧyny ūstaldy, – dep habarlaidy «Adyrna» tılşısı Polisia.kz-ke sılteme jasap.
Türkıstan oblysy PD Tergeu basqarmasynyŋ öndırısınde Türkıstan qalasynyŋ jergılıktı tūrǧyn üilerınıŋ bırınde uly gazben ulanyp, bes adamnyŋ qaza boluyna bailanysty sotqa deiıngı tergeu jūmystary jürgızılude.
Atalǧan jait Türkıstan qalalyq polisiia basqarmasynda SDTBT-ǧa QR QK-nıŋ 292-baby 3-bölıgı (Ört qauıpsızdıgı talaptaryn būzu) boiynşa tırkeldı. Polisiia qyzmetkerlerı bolǧan oqiǧanyŋ auyrlyǧy men qoǧamdyq rezonans tudyruyna bailanysty jedel-tergeu şaralaryn atqardy. Onyŋ ışınde saraptamalar taǧaiyndalyp, kuägerlerden jauaptar alynyp, qajettı degen barlyq jūmystar jürgızıldı.
– Uly gazdan bır otbasynyŋ bes bırdei müşesı qaza bolyp, bızdıŋ oblysta ülken rezonans tudyrdy. Türkıstan oblysy Tergeu basqarmasymen atalǧan jaitqa bailanysty QR QK-nıŋ 306-baby (Qauıpsızdık talaptaryna sai kelmeitın tauarlardy şyǧaru nemese satu, jūmystardy oryndau ne qyzmetterdı körsetu) boiynşa sotqa deiıngı tergeu äreketterı jürgızılude. Bügıngı taŋda būl qylmysty jasady degen küdıktılerdıŋ bırı Türkıstan qalasynyŋ tūrǧyny ūstaldy. Ol gaz ornatu firmalarynyŋ bırınde direktor. Tiianaqty jürgızılgen tergeu jūmystarynyŋ aiasynda onyŋ ıske qatysy bar ekenı däleldendı. Bız küdıktıler sanynyŋ artuyn joqqa şyǧarmaimyz. Sondyqtan tergeu jalǧasady, – dep atap öttı Türkıstan oblysy Polisiia departamentı Tergeu basqarmasynyŋ bastyǧy Nūrmahan Jalǧasov.Esterıŋızge sala keteiık, aqpan aiynyŋ soŋynda Türkıstan qalasyndaǧy jer üilerdıŋ bırınde bes adam, iaǧni äiel men onyŋ tört balasy qaza tapqan. Qazanyŋ sebebı – uly gazdan ulanu. Oqiǧa ornyna Türkıstan oblysy Polisiia departamentı bastyǧy, TJD bastyǧy, äkımdık jäne basqa da qyzmet ökılderı barǧan bolatyn. Tergeu barysyn Türkıstan oblysynyŋ äkımı Ömırzaq Şökeev jeke baqylauyna aldy.
«Adyrna» ūlttyq portaly
