Äigılı Stiv Djobs Ülken Djordj Buş äkımşılıgınıŋ ekspert-konsultanty bolyp jūmys jasaǧanyn AQŞ-tyŋ federaldı tergeu biurosy jariialady. FBR mälımetınde Stiv Djobstyŋ jūmys barysyndaǧy mınez-qūlqy jaiynda aitylypty.
Adamdarmen qarym-qatynas kezınde Djobs öte agressivtı bolypty. Özınıŋ degenınen qaitpaityn bırbetkei, qyzmettegı adamdarmen mınezı syiyspaityn, adam balasyna baǧynbaityn ädetı bolǧan. Qol astyndaǧy qyzmetkerlerge degenın jasatpai qoimatyn bolǧan eken. Djobstyŋ individualdı mınezıne osyndai mälımet bergen FBR.
Stiv Djobs tehnologiia älemıne alǧaş kelgen kezderınde de narkotikalyq önımdergı täueldı bolyp, jyndynyŋ küi keşıp, qaŋǧyryp ketken. Ündıstanǧa baryp emdelıp, adam bolyp qaitqan.
Jalpy şeksız daryndy adamdardyŋ tabiǧatynda bolatyn būl taŋ qalatyn jaǧdai emes dep oilaimyn. Sebebı ǧaryştan berıletın aqparat pen midyŋ potensialy mūndai adamdardy öz-özıne syidyrmai, tyǧyryqqa tırep tastaidy. Sondyqtan ūly missiia aldynda janynyŋ qalauynyŋ bärın oryndauǧa talpynady.
Stiv Djobstyŋ psihologtar men jan ǧylymyn zerttep jürgen adamǧa tüsınıksız öte jūmbaq jaqtary köp bolǧan. Älemdı özgertken būl özgeşe adamnyŋ ömırı älı talai ǧylymi zertteulerge, dissertasiialarǧa daiyn zertteu materialy bolatyny sözsız.
Bekbolat QARJAN,
"Adyrna" ūlttyq portaly
