Jyl soŋyna qarai barlyq sauda üilerı üşın erekşe kün - "Qara jūma" aksiiasy bastaldy. Būl marketing ailasynyŋ eŋ jarqyn mysaldarynyŋ bırı. Ülken jeŋıldıkter adamdardy tıptı qajet emes närselerdı de satyp aluǧa itermeleidı - olar dükendegı satylymdardy köbeitıp qana qoimaidy. Marketologtar bızdı aldap soǧu üşın taǧy qandai ädısterdı paidalanady?
Jaǧymdy äuen, qymbat parfiumeriia men kofenıŋ hoş iısı, estetikalyq interer... Mūndai atmosferada şoping jasau tym keremet sezım jäne däl qazır qajet bolyp körınetın närsenı satyp aluǧa erkındık beredı.
Marketologtar mūny bıledı jäne satylymdy arttyru üşın türlı aila-amaldarǧa barady. Solardyŋ keibırıne toqtalaiyq.
1. MUZYKA TAŊDAU
Sauda ortalyqtarynyŋ dälızderınde qatty muzyka jiı oinalady. Bıraq dükenge kırgen boida ol sabyrly, äuezdı küige auysady. Jaǧymdy äuennıŋ buymen dükende qalai ūzaq jürgenımızdı, tıptı kerek emes zattardy qalai alyp ketkenımızdı baiqamai da qalamyz.
Sonymen qatar, muzykanyŋ būl türı miǧa tynyştandyratyn äser beredı. Baiau äuender bızdıŋ saqtyqty tömendetedı, būl bızdı impulsivtı satyp aluǧa köbırek aqşa jūmsauǧa mäjbür etedı.
2. TEREZELER MEN SAǦATTYŊ BOLMAUY
Keluşı uaqyt pen keŋıstık sezımın joǧaltyp, şopingke tolyǧymen berıledı. Būl qulyqty kazinolarda da qoldanady.
3. KÖP AINA JÄNE DŪRYS JARYQ BERU
Keibır marketologtar adamdardyŋ tabiǧi narsissist ekenıne senımdı, iaǧni olar ainadan özın körgen saiyn olardyŋ köŋıl-küiı köterıledı.
Sonymen qatar, dūrys rettelgen jaryqtandyrudyŋ kömegımen bız ainada özımızdı sūlu jäne ūzyn sekıldı köremız. Al, refleksiiaǧa taŋdana otyryp, bız özımızdı jaŋa kiımdermen, jaŋa saudamen quantqymyz keledı.
4. KASSALARDYŊ ALYS ORNALASUY
Köbınese dükenderdegı kassalar zaldyŋ eŋ soŋynda ornalasady. Osyǧan bailanysty satyp aluşy, bırınşıden, barlyq ūsynylǧan tauarlardy körıp alyp, sonan soŋ ǧana tölem töleuge bır-aq barǧandy jön köredı.
Eşteŋe satyp almai uaqyt pen küş jūmsaǧysy keletınder az. Däl sol sebeptı keibır gipermarketter qala syrtynda ornalasqan – adam ūzaq sapardan keiın uaqytyn bosqa ötkızbeu üşın köp satyp aludy qajet dep sanaidy.
5. "KVEST" SYNDY JOL
Tölem kassalary alys bolǧandyqtan, olarǧa jetu üşın ötkelderdıŋ, bölımderdıŋ jäne zaldardyŋ tūtas labirintınen ötu
kerek. Būl äsırese ärtürlı jihazdar men qūrylys gipermarketterıne qatysty, bıraq qarapaiym sauda ortalyqtarynda bırdei prinsip jūmys ısteidı. Labirint syndy joldardan satyp aluşy jüru barysynda, qūry kütıp tūrmai, dükennıŋ ūsaq-tüiek zattaryna da nazar audarady.
6. BIRDEI ORYNDARDA BIR TAUARDY ORNALASTYRU
Sız zaldyŋ basynda, sosyn ortasynda, sosyn kassada kez kelgen bır önımnıŋ qaita kezdeskenın baiqadyŋyz ba? Onymen üşınşı nemese törtınşı «kezdeskende» sızde mındettı türde bır oi bolady: «Mümkın, menıŋ satyp aluym kerek şyǧar? ..». Būl oi tekke kelmeitını anyq.
7. ŞAǦYN KASSALAR
Sonymen, bız, ädette, kezegımızdı kütuımız kerek bolatyn kassaǧa jettık. Osy uaqytta köptegen adamdar satyp alu qajettılıgın taldai bastaidy - däl kassada köpşılıgımız maŋyzdy emes bolyp körınetın närselerden bas tartyp jatamyz.
Satyp aluşynyŋ özdıgınen satyp aludan bas tartuyna jol bermeu üşın kassalar tym kışkentai, qozǧaluǧa yŋǧaisyz etıp jasalady. Nätijesınde qajetsız närsenı qaitaruǧa ıs jüzınde eşqandai mümkındık joq.
8. JASANDY SŪRANYS
Keide marketologtar da osy ädıstı paidalanady. Sūranystaǧy ia bolmasa jūrttyŋ bärı satyp alyp jatqan tauardy vitrinada az qoiady. Osylaişa talas tuady. Sodan soŋ satuşylar, onyŋ ornyna ūqsas özge tauarlaryn ūsyna bastaidy. Asa ülken aiyrmaşylyqty baiqamaǧan bızder, qalai satyp alyp ketkenımızdı taǧy baiqamai qalamyz.
9. KÖPTEGEN KAFELER
Bız şarşaǧan nemese aş bolǧan jaǧdaida, ūzaq sauda jasaudy oilamaimyz. Tezırek üige qaitudy oilaimyz. Bıraq köptegen fud-korttar mūndai oi oilauǧa jol bermeidı! Solardyŋ arqasynda sauda ortalyǧynan şyqpai-aq demalyp, sergıp alamyz. Degenmen, sızge tez arada dükenge oraluǧa tura keledı, öitkenı fud-korttarda eŋ yŋǧaily, jyldam taǧamdardyŋ boluy tegın emes.
10. SYPAIY SATUŞYLAR
Rasynda täjıribelı, sypaiy, aq jarqyn satuşylardyŋ arqasynda bız özımızge nazar audartqymyz keledı. Olardyŋ bızge bergen keŋesterı şyndyǧynda qolaily atmosfera tudyrady. Keide olardyŋ arbauyna qalai tüsıp, qalai qate sauda jasap qoiǧanymyzdy baiqamai qalatyndyǧymyz sodan.
Būl qulyqtardy bılmei, bız jiı ötkınşı qalaulardyŋ jetegıne erıp, orynsyz saudanyŋ qūrbanyna ainalamyz. Endı sızdı aldau oŋai bolmaitynyna senımdımız!
Ūqsas jaŋalyqtar
"Adyrna" ūlttyq portaly
