Vetnamdyq SOVICO Group kompaniiasy Qazaqstandaǧy äuejailardyŋ bırın basqaruǧa aludy qarastyryp jatyr. Būl turaly 6 mamyrda premer-ministrdıŋ orynbasary Serık Jūmanǧarin Astanada Qazaqstan Prezidentı Qasym-Jomart Toqaev pen Vetnam Kommunistık partiiasy Ortalyq Komitetınıŋ Bas hatşysy To Lammen bolatyn kezdesu qarsaŋynda aitty, dep habarlaidy “Adyrna” ūlttyq portaly.
"Vetnam – Oŋtüstık-Şyǧys Aziiadaǧy eŋ ırı serıktesterımızdıŋ bırı. 2023 jyly tauar ainalymy şamamen 1 milliard dollardy qūrady. Keiın obektivtı sebepterge bailanysty bıraz tömendedı. Soŋǧy jyldy 879 million dollarmen aiaqtadyq. Bız negızınen Vetnamǧa jartylai fabrikattardy – myryş pen qorǧasyndy köp mölşerde eksporttaimyz. Al olardan tūrmystyq tehnika men öŋdelgen tauarlardy alamyz. Aita ketu kerek, Vetnamda būl sala jaqsy damyǧan", – dedı ol.
Ol Vetnamnyŋ industrialdy aimaqtaryn aralap, olardyŋ damu deŋgeiın baǧalaǧanyn atap öttı.
"Onda japondyq, oŋtüstıkkoreialyq kompaniialar jūmys ısteidı, olar öz öndırısterın qūrǧan jäne jaǧdailary öte jaqsy. Bız olardan köp närse üirenuımız kerek. Bıraq, jalpy aitqanda, sonau kezderden berı bızdıŋ yntymaqtastyǧymyz öte jaqsy damyp keledı. Sızder bılesızder, Qazaqstan Prezidentınıŋ Vetnamǧa sapary barysynda vetnamdyq SOVICO Group kompaniiasy bızden Qazaq Air äue kompaniiasyn satyp aldy. Ol mūnda damidy. Jaqynda olar taǧy da keldı, men olarmen kezdestım. Sonymen qatar, olar äuejaidy satyp alu mäselesın qarastyryp jatyr, sebebı äue kompaniiasyna bazalyq äuejai qajet. Būl kompaniia öte ülken, qarqyndy damyp kele jatyr jäne halyqaralyq kompaniialarmen köptegen kelısımşarttar jasauda. Būl jaǧdaida ülken jūmystar jasalmaq", – dep tüsındırdı Jūmanǧarin.
