Japoniia astanasy Tokioda ötetın XXXII jazǧy Olimpiadaǧa 159 kün qaldy, dep habarlaidy «Adyrna» tılşısı Mädeniet jäne sport ministrlıgınıŋ baspasöz qyzmetıne sılteme jasap.
Koronavirus pandemiiasyna bailanysty bır jylǧa şegerılgen olimpiia oiyndary biyl 23 şılde men 8 tamyz aralyǧynda ötedı. Aşylu saltanaty Tokio ūlttyq stadionynda ötedı dep josparlanyp otyr. Jalpy bäseke qaladaǧy 42 sport nysanynda ötedı.
Osy Olimpiada baǧdarlamasyna 3h3 basketbol, beisbol/softbol, karate-do, serfing, qūzǧa örmeleu jäne skeitbording siiaqty jaŋa sport türı engızılgen.
Aldyn ala esep boiynşa älemnıŋ 205 elınen kelgen atletter 33 sport türı boiynşa 339 medal jiyntyǧyn sarapqa salady dep josparlanǧan.
Memlekettık tapsyrysty oryndau aiasynda olimpiada baǧdarlamasyna kıretın sport türlerınen ūlttyq qūrama sportşylaryn daiarlaudy Qazaqstan Respublikasynyŋ Ūlttyq Olimpiada komitetı jüzege asyrady. Al 2020 jyldan bastap Qazaqstan Respublikasynyŋ Ūlttyq Paralimpiada komitetıne osyndai funksiia berıldı.
Qazaqstan qūramasy sportşylarynyŋ sapaly daiyndyǧy men sättı öner körsetuı üşın Ükımetı tarapynan barlyq qajettı jaǧdai jasalǧan.
Ötken jyly lisenziia jeŋıp alu josparyn ıske asyru üşın 431 oqu-jattyǧu jiyny öttı. Qūrama komandalarymyz 104 halyqaralyq bäsekege qatysyp, 105 medalge ie boldy (18 altyn, 35 kümıs jäne 52 qola).
Bızdıŋ anyqtama: (jeŋıl atletikadan 3 lisenziia - Georgii Şeiko, Olga Rypakova, Aiman Ratova, velosporttan (tas jol) 4 lisenziia, jüzuden 2 lisenziia - Dmitrii Balandin, aşyq suda jüzu 1 lisenziia - Vitalii Hudiakov, sadaq atudan 4 lisenziia - Sanjar Mūsaev, Denis Gankin, İlfat Abdullin, qūzǧa örmeleuden 1 lisenziia - Rişat Haibullin, sinhrondy jüzuden 1 lisenziia - Aleksandra men Ekaterina Nemich, grek-rim küresınen 2 lisenziia - Meirambek Ainaǧūlov, Ashat Dılmūhamedov, äielder küresınen 2 lisenziia - Valentina İslamova, Elmira Syzdykova, erkın küresten 4 lisenziia - Nūrislam Sanaev, Däulet Niiazbekov, Daniiar Qaisanov, Älışer Erǧali, sporttyq gimnastikadan 1 lisenziia - Milad Karimi, stend atudan 1 lisenziia - Särsengül Rysbekova, oq atudan 1 lisenziia - Iýrii Iýrkov, qazırgı bessaiys boiynşa 2 lisenziia - Elena Potapenko, Pavel İliaşenko, karate WKF 1 lisenziia - Darhan Asadılov, bokstan 9 lisenziia – Säken Bibosynov, Serık Temırjanov, Zakir Safiullin, Abylaihan Jüsıpov, Äbılhan Amanqūl, Bekzat Nūrdäuletov, Vasilii Levit, Qamşybek Qoŋqabaev, Nadejda Riabes, velotrekten 3 lisenziia, su dobynan 1 lisenziia).Aldaǧy uaqytta Olimpiadaǧa deiın joldama ülestıretın 11 qūrlyqtyq (onyŋ bırı küres türlerınen Almaty qalasynda ötedı dep josparlanǧan), 7 älemdık ırıkteu jarysy, 3 älem kubogy men 20 reitingtık turnirge sportşylarymyz qatysady. Jalpy elımız Olimpiadaǧa 31 sport türınen kem degende 100 joldama ielenudı josparlap otyr. Qazırgı ūlttyq komandalar 18 sport türınen 43 lisenziia (52 sportşy) jeŋıp aldy, onyŋ ışınde 17-sı jeke jäne bıreuı komandalyq sport türınen (su doby).
«Adyrna» ūlttyq portaly
