Almaty qalasynyŋ ortalyǧynda saunalar men spa-salondarda jeŋıl jürıstı 30 äiel ūstaldy, dep habarlaidy «Adyrna» tılşısı Polisia.kz-ke sılteme jasap.
Medeu audanynyŋ polisiia qyzmetkerlerı monitoringtık toptardyŋ qūramynda segız saunany, spa-salondardy jäne bodi-massaj qyzmetın ūsynu nysandaryn tekserdı. SES salasynda, sondai-aq Qazaqstan Respublikasynyŋ köşı-qon zaŋnamasynda bırqatar būzuşylyqtardy anyqtady.
– Reidter tüngı uaqytta jürgızıldı. Būl mekemelerde jezökşelıkpen ainalysatyn äielderdıŋ de jūmys ısteitını, olardyŋ keibırınıŋ qūjattary müldem bolmaǧany anyqtaldy. Bır sözben aitqanda, pritondar “dene massajy”, “SPA-salon” jäne “sauna” belgılerımen jūmys ıstedı. SES ökılderı mekeme ielerı men äkımşılerıne qarsy QR ÄQbK-nıŋ 425-babyna säikes şaralar qabyldady. Sonymen qatar, qūqyq būzuşylarǧa qatysty QR ÄQbK-nıŋ 492-baby men QR ÄQbK-nıŋ 450-babyna säikes äkımşılık materialdar jinaldy, – dedı Medeu audandyq polisiia Basqarmasy bastyǧynyŋ bırınşı orynbasary Elnūr Kūdretbaev. https://youtu.be/k73RFmznjik
«Adyrna» ūlttyq portaly
