Üş öŋırdıŋ joly tars jabyldy

İİDM baspasöz qyzmetı aua raiynyŋ qolaisyzdyǧyna bailanysty bırqatar respublikalyq maŋyzy bar jol jabylǧanyn habarlady.

Kün raiynyŋ būzyluyna bailanysty qozǧalysqa şekteu kelesıdei respublikalyq joldarda engızıldı: Aqtöbe oblysynda: jük jäne qoǧamdyq kölıkter üşın: 1.«Samara-Şymkent» avtojolynyŋ 526-710-şaqyrymynda, atap aitqanda BQO şekarasy men Qūrşasai auylynyŋ aralyǧyndaǧy uchaskede. Avtokölıktıŋ barlyq türı üşın: 2. «Qandyaǧaş-Emba-Şalqar-Yrǧyz» avtojolynyŋ 3-257-şaqyrymynda, atap aitqanda Qandyaǧaş pen Şalqar qalalarynyŋ aralyǧyndaǧy uchaskede. 3. «Aqtöbe-Atyrau-RF şek.» avtojolynyŋ 100-180-şaqyrymynda, atap aitqanda Qandyaǧaş qalasy men Şūbarqūdyq auylynyŋ aralyǧyndaǧy uchaskede. 4. «Aqtöbe-RF şek.» avtojolynyŋ 39-136-şaqyrymynda, atap aitqanda Ş.Qaldaiaqov auyly men RF şekarasy aralyǧyndaǧy uchaskede. 5. «Aqtöbe qalasynyŋ soltüstık ainalma jolynyŋ» 0-39-şaqyrymyndaǧy uchaskede. 6. «Aqtöbe-Atyrau-RF şek.» avtojolynyŋ 180-250-şaqyrymynda, atap aitqanda, Şūbarqūdyq jäne Qarauylkeldı auyldarynyŋ aralyǧyndaǧy uchaskede. 7. «Samara-Şymkent» avtojolynyŋ 776-1153-şaqyrymynda, atap aitqanda Belogorka auyly men KEŞİ aiyryǧy aralyǧyndaǧy uchaskede. Batys Qazaqstan oblysynda: Jük jäne qoǧamdyq kölıkter üşın: «Samara-Şymkent» avtojolynyŋ 394-526-şaqyrymynda, atap aitqanda Jympity auyly men Aqtöbe oblysynyŋ şekarasy aralyǧyndaǧy uchaskede qozǧalysqa şekteu engızıldı. Almaty oblysynda: 2021 jylǧy 19 nauryzda saǧat 09.00-de Almaty oblysynda aua raiynyŋ naşarlauyna bailanysty (būrqasy, joldyŋ körınbeuı) «Üşaral-Dostyq» avtojolynyŋ 83-184-şaqyrymynda, atap aitqanda Köktuma st.-Dostyq st. aumaǧynda kölıktıŋ barlyq türınıŋ jüruıne şekteu qoiyldy.