Oblys ákimdiginde óńir basshysy Ońdasyn Orazalınniń tóraǵalyǵymen ózekti ekologııalyq máselelerdi sheshýge baılanysty suraqtar qaraldy.
Jıynǵa oblys ákiminiń birinshi orynbasary Nurjaýǵan Qalaýov, Shalqar aýdanynyń ákimi Janbolat Jıdehanov, Tabıǵı resýrstar jáne tabıǵatty paıdalanýdy retteý basqarmasynyń basshysy Jaqsyǵalı Imanqulov, ekologııa departamentiniń basshysy Nurjan Aqqul, «Aktobevodproekt», «TOLAGAI-2050» JShS ókilderi qatysty.
«Shalqar aýdany turǵyndary Shalqar kóliniń túbin tazartýǵa qatysty suraqty birneshe ret kóterip, burynǵy qalpyna keltirip berýdi suraǵan. Biz bul jumysqa mamandar men sarapshylardy tarttyq. Byltyr jobalyq-smetalyq qujattamany ázirleý jumystary aıaqtalǵan bolatyn. Úkimet atalmysh jobany qoldady, bıyl biz sony júzege asyratyn bolamyz. Aýqymdy joba úsh jylǵa josparlanǵan, degenmen jumysty jdaǵattap eki jylda aıaqtaýǵa bolady. Onyń óńir úshin rekreaııalyq jáne sharýashylyq turǵyda mańyzy zor. Osy jobadan úlken ekologııalyq paıda tabamyz dep kútip otyrmyz»,- dep atap ótti oblys ákimi.
Qurylys, sáýlet jáne qalaqurylysy basqarmasynyń basshysy Naǵymjan Aldııarov Shalqar kóliniń túbin tazartý jobasyn tanystyrdy.
Baıandamashy kól túbiniń tartylyp, batpaqtaný máselesi ótken ǵasyrdyń 90-shy jyldarynyń sońynda paıda bolǵanyn atap ótti.
«Kól aǵyndy sýlardyń jetispeýinen, sý ústinde jáne sý astynda ósimdikterdiń ósip ketýi saldarynan degradaııaǵa ushyrap, sýdyń sapasy nasharlaıdy. «Shalqar kóliniń túbin tazartý» jobasynyń tehnıkalyq-ekonomıkalyq negizi ázirlenip, saraptamadan oń nátıje alyndy. Jobanyń jalpy somasy 3 mlrd teńgeni quraıdy. Osy jyly bul maqsatqa respýblıkalyq bıýdjetten 432,95 mln. teńge bólindi. Sondaı-aq, salalyq mınıstrlikke qosymsha qarjy bólý úshin tapsyrys jiberildi», dedi Naǵymjan Aldııarov.
Jıyn sońynda Ońdasyn Orazalın memlekettik organdar men «TOLAGAI-2050» JShS merdiger mekemesiniń basshylaryna óńir úshin mańyzdy jobanyń sapaly júzege asyrylýyn, sondaı-aq qorshaǵan ortaǵa zııan keltirmeı, barlyq sharalardy qabyldaýdy tapsyrdy.
