Jūmabek Täşenovtyŋ qazaq üşın jasaǧan erlıgı men qairatkerlıgın keŋ masştabta därıptemeu - būl bızdıŋ äruaqty ūmytqanymyz.
Ūlylar ūmytylmaidy!
Zamanynyŋ zaŋǧar ūly, küresker qairatkerı!
Bügın Alty Alaştyŋ ardaqty ūly, qazaqtyŋ maŋdaiyna bıtken körnektı memleket jäne qoǧam qairatkerı Jūmabek Täşenovtyŋ tuǧan künı. Jūmabek atamyz 1915 jyly 20 nauryzda Aqmola oblysy, Arşaly audany, Tanagül auylynda düniege kelgen.
Osy ūly tūlǧanyŋ qazaqtyŋ ūlan-baitaq jerın saqtap qalǧan erlıgı qazaq tarihynda ǧasyrlarda qaitalana bermeitın qaisarlyq pen myqtylyq edı. Hriuşevpen tartysyp, alǧan betınen qaitpai, Qazaq elınıŋ tūtastyǧy üşın basyn da, qyzmetın de bäigege tıkke ūly tūlǧaǧa myŋ taǧzym! Kezınde Maŋǧystaudy Türkımenstanǧa, Bostandyqty Özbekstanǧa, Tyŋ igerıletın tūtas aumaqty Reseige qosyp jıbermek bolǧanda, qazaq jerı üşın jan arpalysqa tüsken tūlǧa osy Jūmabek atamyz boldy. Ökınışke orai Jūmabek atamyzdyŋ aty men erlıgı laiyqty därıptelmei, jas buynǧa onyŋ erlıgı men qairatkerlıgı jaiynda tolyq aitylmai keledı. Būl bızdıŋ qatelıgımız, būlai jasau bızdıŋ paryzymyz edı! Täşenovtyŋ qazaq üşın jasaǧan erlıgı men qairatkerlıgın keŋ masştabta därıptemeu - bızdıŋ äruaqty da ūmytqanymyz.
Būl adam tūtas jany qazaq, qany qazaq azamattardyŋ barlyǧy üşın ideologiialyq tarihi tūlǧa bola alady. Qazaq tarihynda elı üşın basyn bäigege tıkken, ruhy men saǧy synbai küresken Jūmabek atamyzdyŋ jürgen joly bızdıŋ jastarǧa küreskerlık ruh pen jıger beredı.
Batyr men qairatker almaǧaiyp, alasapyran kezde ǧana maidanda körınedı. Öz zamanynyŋ maitalmany, öz zamanasynyŋ maidanynda töbe körsetken ūly tūlǧaǧa myŋ taǧzym!
Bekbolat QARJAN,
"Adyrna" ūlttyq portaly
