Jylyna bır-aq ret keletın Nauryzdy Şymkentte toilau kerek

Jylyna bır-aq ret keletın Nauryzdy Şymkentte toilau kerek, dep jazdy öz facebook paraqşasynda Rustem Aşetaev.  Biylǧa deiın jeltoqsannyŋ 31-ne jaŋa jyldy qyruar qarjymen dürkıretıp toilap, nauryzǧa kelgende "jetım qyzdyŋ toiyn" jasap kelgenbız. Biyl Şymkent sol olqylyqtyŋ ornyn joiuǧa bastama jasauda. Jaŋaşa qarqynmen, ūlttyq bolmysymyzdy nasihattau men Äz-Nauryzdy ūştastyra otyryp on kün toilau degenımız - bolaşaqta bererı mol bastamalardyŋ bırı. Ärı, Şymkent qalasy megapolis därejesın alǧandyqtan, qazaqqa, qazaqstanǧa özınıŋ bererı de, qosary da boluy kerek emes pe?! Qazaqstandy aldyǧa tartuşy ortalyqtardyŋ bırıne ainalu - megapolistıŋ basty qaǧidasy. Biyl Şymkent megapolisı ūlystyŋ ūly künı Äz-Nauryzdy toilaudyŋ jaŋaşa ülgısın körsetude. Būl ülgı bolarlyq bastama dep oilaimyn! Ärine, bastapqyda köbırek şyǧyndaluǧa tura keledı (Būl barlyq jaŋaşyl bastamalarǧa qatysty qaǧida). Ärbır aǧaş jemıs beruı üşın suǧa zäru. Qūiylǧan sudyŋ äserınen, uaqyty kelgende öz jemısın beredı. Jaŋa jobalarǧa qūiylatyn qarjylar da osy su sekıldı. Iаǧni, qazırgı şyǧyndardy bolaşaqqa qūiylyp jatqan investisiia dep qarasaq, mūndai auqymdy jobalar da jaqyn bolaşaqta öz jemısın bererı sözsız. Tek, azdaǧan uaqyt kerek. Braziliianyŋ karnavaly men Qytaidyŋ jaŋa jylyn toilauy degen siiaqty, tıptı sol toilaularyn tamaşalauǧa ışkı-syrtqy turisterdı tartatyn älemdık deŋgeidegı merekelerı bar. Būl ıs-şaralary da bastapqyda memlekettık qoldaumen ötkızılıp, nasihattalyp, öz ūltynyŋ bolmysynda jatqan düniesın tületıp, halqynyŋ qoldap ketuıne jol salyp berıp otyrǧan. Qazır būl merekelerı özın-özı qarjylandyratyn küige jetken. Qysqa oilasaŋ orynsyz şyǧyn bolyp körıngenımen, alysqa oilasaŋ Şymkettıŋ tūtas qazaqqa tügılı, bütkıl älemge tanytatyn öz brendıne ainaldyruǧa bolatyn jobany köruge bolady. Bastapqyda "köş jüre tüzeledı" degendei, azdaǧan kem-ketıgı boluy mümkın. Ony qalypty jaǧdai dep baǧalaimyn. Oǧan bola būl jobany tūtastai syzyp tastaudy dūrys körmeimın. Mysaly "Köşpendıler oiynyn" Qyrǧyz aǧaiyndar öz brendıne ainaldyra aldy. Kölemdı qarjy da şyǧyndaǧany dausyz. Esesıne odan ziian şekken joq. Sol sekıldı "Nauryz Şymkentten bastalady" jobasynyŋ artynda sarqylmas potensialy baryn köruge bolady. Bırer jylda bütkıl Qazaqstannan qonaqtar Äz-Nauryzdy Şymkentte toilauǧa kelıp jatsa, özın-özı qarjylandyratyn jobaǧa ainalyp şyǧa kelmeidı me! Ol üşın sapaly dünielerdı ūsynuymyzǧa tura keledı. Al, sapaly dünie arzan bolmasy haq! Sondyqtan, būl jobaǧa ärtürlı rakustan, ärtürlı biıktıkten qarap oi qorytqan jön bolar degım keledı. Biylǧy jyly Şymkentte karantindık şekteuler barynyŋ özınde, Äz-Nauryzdyŋ qalai toilanyp jatqanyn körıp otyrsyzdar. Būdan bylaiǧy jyldary būl joba tek üdemelı qarqyn ala tüsetınıne senımdımın. Sondyqtan, barşa qazaqstandyqtardy kelesı jyly "közdı jūmyp" on künge Şymkentke kelıp Äz-Nauryzdy toilauǧa şaqyramyn! ŪLYSTYŊ ŪLY KÜNI QŪTTY BOLSYN AǦAIYNDAR!