Resmi aşylu saltanatyna qatysqan qala äkımı Mūrat Äitenov ortalyqta qalaǧa kelgen şeteldık qonaqtarǧa körıktı jerler, mädeni şaralar men qonaq üiler turaly «bır tereze» qaǧidaty boiynşa mälımet beru qyzmetımen tanysty.
–Ortalyqtyŋ basty mındetı turistık mekemelerdıŋ basyn bırıktırıp, turisterge joǧary därejede servistık qyzmet körsetuge yqpal etu. Qalaǧa kelgen qonaqtar kelesı jyly taǧy kelu üşın ūsynylatyn qyzmet türlerın ärmen qarai damytu qajet,-dedı qala äkımı.
Turistık aqparattyq ortalyq täulıgıne 200-250 turist qabyldauǧa qauqarly. Ortalyqta täulık boiy «Call-centre» jūmys ısteidı. Qala tūrǧyndary men qonaqtaryna megapolistıŋ turistık äleuetı turaly käsıbi keŋes berılıp, qūqyqtyq jäne vizalyq kömek körsetıletın bolady. Qalaǧa keluşı qonaqtar üşın qydyru turlary ūsynylyp, aldyn ala brondau qyzmetı berılmek.
Shymkent Tourism Center turistık aqparattyq ortalyǧynyŋ basşysy Aidaraly Ramanov turisterge mobildı bailanys operatorynyŋ SIM-kartasyn beiımdeude kömek körsetu qyzmetınıŋ de atqarylatynyn atap öttı. Qazır qalamyzda aqparattyq-turistık düŋgırşekter aşu mäselesı qarastyryluda.
–Qazırdıŋ özınde visit-shymkent.kz resmi saity üş tılde jūmys ısteidı. Saitta qalamyzdyŋ tanymal körnekı oryndary, ūlttyq mäzır daiyndaityn meiramhanalary jäne aqparattar tızbegı jariialanady. Aqparattyq ortalyqta keŋes beru, kädesyi, söilesu, türlı şaralar ötkızudıŋ interaktivtı aimaqtary qamtamasyz etılgen, - dedı ortalyq basşysy.
Turistık-aqparattyq ortalyǧyna aşylǧannan bastap 522 qoŋyrau kelıp tüsken. Qazırgı taŋda 700-ge juyq turistke qyzmet körsetılgen, onyŋ ışınde 65-ı şet eldıŋ azamaty.
Ortalyqtyŋ bailanys telefondary: +7701 102 1717. +7702 109 17 17
Şymkent qalasy äkımdıgınıŋ baspasöz qyzmetı
