Qazırgı taŋda, būl vaksina Qan ortalyǧyndaǧy mūzdatqyş kameralarynda uaqytşa saqtalyp, erteŋnen bastap emhanalarǧa taratylady. Vaksinalauǧa medisinalyq-sanitarlyq kömek mekemelerınde 21 egu kabinetı daiyndalǧan.
Būl jönınde baspasöz brifingte qalalyq densaulyq saqtau basqarmasynyŋ basşysy Baqytjan Pozilov baiandady.
Basqarma basşysynyŋ mälımdeuınşe, jetkızılgen vaksina medisina qyzmetkerlerı men mūǧalımderge jäne polisiia qyzmetkerlerıne salynady.
Bügınge deiın şaharda 5827 azamatqa kovidke qarsy vaksina salynǧan. Onyŋ 3505-ı medisina qyzmetkerı, 1469-y mūǧalım, 128-ı poliseiler, al qalǧandary är türlı sanattaǧy azamattar. Vaksina qabyldaǧan azamattardyŋ barlyǧynda janama äserı baiqalmaǧan.
Äitse de, qalanyŋ bas därıgerı saqtyq şaralaryn qataŋ ūstanu kerektıgın eskertedı.
-Ötken täulıkte 28 adam KVİ infeksiiasyn jūqtyrsa, jyl basynan būl dertten 15 adam köz jūmdy. Qaitys bolǧandardyŋ barlyǧy da 60 jastan asqan sozylmaly syrqattary bar nauqastar bolyp otyr. Eger bız sanitarlyq talaptardy saqtamasaq, jasyl aimaqtan saryǧa, onan qyzylǧa ötuımız mümkın. Aua raiynyŋ qūbylmaly boluyna qarai, balalar arasynda suyqtap auyrǧandar köbeiude. Osy oraida ata-analarǧa taǧaiyndalmaǧan därılık zattardy öz betınşe qoldanuǧa bolmaitynyn aitqym keledı,-dedı B.Pozilov.
Aita keteiık, 2020 jyldyŋ 24 nauryzynan 17 nauryz deiıngı aralyqta COVID-19 auruynyŋ 6 417 jaǧdaiy tırkeldı. (3 282 simptomdy, 3 135 simptomsyz). 5643 adam emdelıp şyqsa, 94 adam köz jūmǧan. Qazırgı taŋda KVİ-men 69, JRVİ-men 140, pnevmoniiamen 15 nauqas em qabyldap jatyr.
Al, 1 tamyzdan 17 nauryzǧa deiın COVID-19 belgılerımen (ICD-10 kody - U07.2) pnevmoniianyŋ 1473 jaǧdaiy tırkelgen. Bügıngı künı qalada 1 060 tösek - oryn bar (jūqpaly - 560, karantin - 500), onyŋ 834 tösek – orny bos.
Şymkent qalasy äkımdıgınıŋ baspasöz qyzmetı
