Şymkentte «Egemen Qazaqstan», «Ana tılı», «Qazaq radiosy» köşelerı bar

Şymkent qalasynda Qazaqstan Respublikasy Ükımetınıŋ janyndaǧy Respublikalyq onomastika komissiiasynyŋ qorytyndysy negızınde atauy joq 325 köşege atau berıldı. Olardyŋ qatarynda elımız üşın joǧary maŋyzdylyqqa ie basylym ataulary men radio, ädebi şyǧarmalar ataulary bar. Mäselen Qaratau audany Bozaryq saiajaiyndaǧy atauy joq köşelerge ǧasyrdan astam ömır sürıp kele jatqan respublikalyq «Egemen Qazaqstan» gazetınıŋ qūrmetıne qoiylǧan «Egemen Qazaqstan, sonymen bırge Ana tılı, Qazaq radiosy, Jas alaş, Abai joly, Qalqaman – Mamyr, Aq bılek, Qamar sūlu sekıldı köşe attary paida boldy. Odan özge qalamyzdyŋ tarihyn aişyqtaityn, tabiǧi erekşelıkterı men ölke özgeşelıgın eskerıp, tau-tas, sai-sala, özen-kölge laiyqty ataular da berıldı. Eske sala ötsek, Qazaqstan Respublikasynyŋ Tūŋǧyş Prezidentı - Elbasy N.Nazarbaevtyŋ 2017 jylǧy 28 aqpandaǧy tapsyrmasyna säikes elımızde ideologiialyq tūrǧydan eskırgen ataulardy tarihi jer-su, dästürlı ataularymen özgertu, onomastikalyq ataularǧa kısı esımderın beruge meilınşe şekteu qoiylǧan bolatyn. Şymkent qalasy äkımdıgınıŋ baspasöz qyzmetı ➖➖➖➖➖➖➖➖➖➖➖➖➖➖➖➖