18 nauryz – «İgı ıster künı» aiasynda Şymkent qalasynda QR Ükımetınıŋ janyndaǧy Respublikalyq onomastika komissiiasynyŋ qorytyndysy negızınde atauy joq 325 köşege atau berıldı.
Osyǧan orai, Şymkent qalasy «Bozaryq» şaǧynaudanyndaǧy köşege ūltymyzdyŋ ünjariiasy, 100 jyldyq tarihy bar Qazaq radiosynyŋ atauy berılıp, saltanatty aşylu räsımı öttı. Şaraǧa Nūr-Sūltan, Almaty qalalarynan kelgen qūrmettı qonaqtar men jergılıktı ziialy qauym ökılderı, tūrǧyndar qatysty.
Jiynda söz alǧan Şymkent qalasy äkımınıŋ bırınşı orynbasary Şyŋǧys Mūqan jaŋa köşelerge atau beru barysynda ūlttyq qūndylyqtarymyzǧa basymdyq berılıp otyrǧanyn atap öttı.
– 14-24 nauryz aralyǧynda «Nauryz Şymkentte bastalady» degen ızgı bastamamen qalamyzda ülken ıs-şaralar ötıp jatyr. Künı keşe «Qaratau» dästürlı öner mektebı aşyldy. Bolaşaqta sol mekteptıŋ tülekterınıŋ dausyn Qazaq radiosynan estimız dep oilaimyz. Nauryz toiynyŋ aiasynda Şymkenttegı 325 köşege atau berıldı. Şymkent qalasynyŋ äkımı Mūrat Äitenovtıŋ ūsynysymen, qalalyq mäslihattyŋ hatşysy Bahadyr Narymbetovtıŋ ūiytqy boluymen künı bügıngı mäslihat otyrysynda Qazaq radosy köşesı resmi bekıtıldı. Şahar osy jaqqa qarai qūlaşyn jaiyp keledı. Şymkenttıŋ damyp kele jatqan tūrǧyn alabynda aşylǧan köşemız qūtty bolsyn! Bolaşaqta Qazaq radiosy köşesı Qazaq radiosy daŋǧylyna ainalyp jatsa taŋǧalmaǧaisyzdar! – dedı Şyŋǧys Jūmabekūly.
Jarty ǧasyrdan astam ǧūmyryn Qazaq radiosynda ötkızgen ardager-diktor, Qazaq radiosynyŋ sanduǧaşy Sauyq Jaqanova da Şymkenttegı Qazaq radiosy köşesınıŋ aşyluyna arnaiy kelıptı.
– Özıŋnıŋ şyqqan bosaǧaŋ, tuǧan balaŋdai bop ketken radioŋdy qūrmettep jatsa qalai quanbaisyŋ?! Qazaqty bütkıl dünie jüzıne tanytqan, qazaqtyŋ änı, sazy men küiın körsetken Qazaq radiosyn respublikada bırınşı bolyp ardaqtap jatqan sızderge myŋ da bır Alǧys! Būl sızderdıŋ eŋbekterıŋızge qarai ataqty daŋǧyl bolatynyna senemın, - dedı S. Jaqanova.
Qazaq radiosynyŋ atauy berılgen köşe 2,5 şaqyrymǧa sozylyp jatyr. Osy mereilı künge orai, bügın keşke saǧat 18:00-de Şymkent qalasyndaǧy Qazaqstan halqy assambleiasy ǧimaratynda Qazaq radiosynyŋ 100 jyldyǧyna arnalǧan arnaiy konserttık ıs-şara ötedı.
Sondai-aq, atalǧan audandaǧy taǧy bırneşe köşege respublikalyq būqaralyq aqparat qūraldarynyŋ atauy berıldı. Olardyŋ qatarynda elımız üşın joǧary maŋyzdylyqqa ie basylym ataulary men radio, ädebi şyǧarmalar ataulary bar. Mäselen Qaratau audany Bozaryq saiajaiyndaǧy atauy joq köşelerge ǧasyrdan astam ömır sürıp kele jatqan respublikalyq «Egemen Qazaqstan» gazetınıŋ qūrmetıne qoiylǧan Egemen Qazaqstan, sonymen bırge Ana tılı, Qazaq radiosy, Jas alaş, Abai joly, Qalqaman – Mamyr, Aq bılek, Qamar sūlu sekıldı köşe attary paida boldy. Odan özge qalamyzdyŋ tarihyn aişyqtaityn, tabiǧi erekşelıkterı men ölke özgeşelıgın eskerıp, tau-tas, sai-sala, özen-kölge laiyqty ataular da berıldı.
Aldaǧy uaqytta qalaǧa qarasty audandardyŋ äkimderi osy bırlesken qauly men şeşimdi iske asyru jöninde qajetti şaralar qabyldamaq. Al, qalalyq mädeniet, tılderdı damytu jäne arhivter basqarmasy Qazaqstan Respublikasynyŋ zaŋnamasynda belgılengen tärtıppen osy qūjatty Şymkent qalasynyŋ Ädılet departamentınde memlekettık tırkeuden ötkızedı. Bırlesken qauly men şeşım onyŋ alǧaşqy resmi jariialanǧan künınen keiın küntızbelık on kün ötken soŋ qoldanysqa engızılmek.
Şymkent qalasynyŋ Aqparattyq-kommunikasiialyq ortalyǧy
