Şymkent qalasynyŋ äkımı Mūrat Äitenov Estoniia Respublikasynyŋ Qazaqstandaǧy tötenşe jäne ökılettı elşısı Heiti Miaemeespen kezdestı. Jüzdesude Estoniia men Şymkent qalasynyŋ arasynda sifrlandyru jäne ekonomikalyq ıskerlık bailanystardy nyǧaitu joldary jan-jaqty talqylandy.
Estoniia Europadaǧy aqparattyq tehnologiialardy damytu boiynşa köşbasşy bolyp tabylatyndyǧyn aitqan qala äkımı sifrlandyru Qazaqstanmen yntymaqtastyqtaǧy maŋyzdy baǧyt ekenın alǧa tartty.
- Estoniianyŋ IT kompaniialary qazaqstandyq naryqqa qyzyǧuşylyq tanytatyndyqtan, bız ekı jaqty yntymaqtastyqqa quanyştymyz. Bügıngı taŋda älemde COVID-19 tudyrǧan qiyndyqtar kezınde elektrondy bılım beru, elektrondy densaulyq saqtau jüiesınıŋ şeşımderı özektı jäne ömırlık maŋyzǧa ie boldy. Osy tūrǧyda tūrǧyndardyŋ qolaily ömır süruı üşın şeteldıktermen jemıstı qarym-qatynas ornatudy jalǧastyra beremız. Şymkent – Orta Aziiadaǧy tartymdy qalalardyŋ bırı. Megapolis bolǧaly investisiia kölemı de artyp keledı. Bızdıŋ bırlesken jūmysymyzdyŋ nätijesı qazaq jäne eston halqynyŋ igılıgı üşın jaŋa jobalar bolady dep oilaimyn, - degen Mūrat Äitenov syndarly dialogqa ärdaiym daiyn ekendıgın jetkızdı.
Kezdesu barysynda Estoniia Respublikasynyŋ Elşısı ekı el Prezidentterı men ekı el halyqtary arasynda qaşan da özara senım men dostyq qatynastyŋ qalyptasqandyǧyn atap öttı. Sonymen qatar, qonaqtar qaladaǧy industriialdy aimaqtarǧa, balyq şaruaşylyǧyn damytuǧa qyzyǧuşylyq tanytyp otyrǧanyn jetkızdı.
Aita ketsek, 2018 jyly ekı el arasyndaǧy tauar ainalymy 36 mln eurony qūrady. 2019 jylǧy onyŋ körsetkışı 25,3 mln euroǧa jetken (eksport – 1,9 mln.euro, import – 23,4 mln. euro).
Elder arasyndaǧy ekonomikalyq yntymaqtastyqtyŋ basym baǧyttary - kölık jäne mehanikalyq qūraldar, himiialyq önımder, mineraldar, metaldar, baǧaly emes metaldardan jasalǧan būiymdar bolyp tabylady.
Şymkent qalasy äkımdıgınıŋ baspasöz qyzmetı
