Şymkent qalasynda ötıp jatqan «Angionevrologiia: innovasiia men perspektivalary» atty halyqaralyq konferensiiaǧa elımızdıŋ özge öŋırlerı men Tatarstan, Mäskeu qalasynyŋ därıgerler onlain qatysty. Nevropatolog, neirohirurg, terapevt sekıldı mamandar bas miy aurularynyŋ epidemiologiiasy men jedel mi-tamyrlary jäne serebraldy insulttı emdeu joldaryn talqylauda.
Ǧylymi konferensiia qalalyq densaulyq saqtau basqarmasy men Oŋtüstık Qazaqstan medisina akademiiasynyŋ qoldauymen ūiymdastyrylyp otyr.
Basqosuda mamandardyŋ deregınşe qazırgı taŋda keŋ taraǧan, ärı qauıptı derttıŋ bırı – insult. Jyl saiyn düniejüzınde būl dertke şamamen 15 million adam ūşyraidy. Saldarynan 3-5 milliony qaitys bolady.
–Elımızde jylyna 40 myŋǧa juyq adam insultqa şaldyǧady. Auyrǧandardyŋ seksen paiyzy mügedek bolyp qalady. Sol mügedektık bolǧan azamattardy oŋaltu emı arqyly emdep kelemız. İnsult alǧandardyŋ denı alpystan asqan azamattar. Aurudyŋ aldyn alu maqsatynda respublika boiynşa insult qyzmetın damytu tūjyrymdamasyn äzırledık. Elımızdıŋ barlyq öŋırlerınde insult ortalyǧy jūmys ıstep otyr. Taǧy da aitarym, insulttı emdeuden, aldyn-alu äldeqaida tiımdı. Būl üşın azamattar özderı tırkelgen jergılıktı emhanaǧa baryp, skrining tekseruden ötu qajet. Holesterin jäne qan qysymyn tūraqty türde teksertıp, salauatty ömır saltyn ūstanǧan abzal,-deidı Ūlttyq neirohirurgiia ortalyǧynyŋ direktory Ädılbekov Erjan.
Aita keteiık, halyqaralyq konferensiia ekı künge sozylady. Şaraǧa qatasyqan medisina mamandaryna arnaiy sertifikat tabystalmaq.
Şymkent qalasy äkımdıgınıŋ baspasöz qyzmetı
