QR Prezidentı Äkımşılıgınıŋ kelısımı negızınde Şymkent qalasy äkımınıŋ ökımımen Şymkent qalasy äkımı apparatynyŋ basşysy lauazymyna Ǧabit Patşahanūly Mäulenqūlov taǧaiyndaldy.
Ǧabit Patşahanūly 1977 jyly Oŋtüstık Qazaqstan oblysy Sozaq audany Şolaqqorǧan auylynda düniege kelgen. Halyqaralyq qūqyq jäne naryq akademiiasyn, Q.A.Iаsaui atyndaǧy halyqaralyq qazaq-türık universitetın, Qazaq ekonomika, qarjy jäne sauda universitetın bıtırgen, mamandyǧy boiynşa bılıktılıgı – zaŋger, qarjyger jäne ekonomika, biznes magistrı.
Eŋbek jolyn 2000 jyly Prokuratura organdarynda prokuror kömekşısı bolyp bastaǧan.
2002-2016 jyldary Qazaqstan Respublikasy Joǧarǧy Sot apparatynda referent, konsultant, bas sarapşy, bas konsultant, sektor meŋgeruşısı, bölım meŋgeruşısı bolyp jauapty lauazymdardy atqarǧan.
2016-2018 jyldary Şymkent qalasy Qaratau audanynyŋ äkımı, Şymkent qalasy äkımınıŋ orynbasary qyzmetterın atqardy.
2018 jyldyŋ şıldesinen bügınge deiın Şymkent qalasy Äl-Farabi audanynyŋ äkımı retınde abyroily qyzmet atqaryp keldı.
Şymkent qalasy äkımdıgınıŋ baspasöz qyzmetı
