Şymkenttegı «Türkıstan» saraiynda Ūlystyŋ Ūly künı Nauryz merekesı aiasynda «Nauryz Gül köktem, jyl basy» respublikalyq aqyndar aitysy bastaldy. Qala äkımınıŋ qoldauymen ūiymdastyrylyp otyrǧan dübırlı dodaǧa elımızdıŋ aituly 16 aqyny qatysyp otyr.
Bügıngı jüirıkterdıŋ söz saiysyna Şymkent qalasynan N.Esenqūlov, Q.Bıldäş, Q.Abzalov qatyssa, elımızdıŋ bas qalasy Nūr-Sūltannan R.Haidarov, E.Qainazarov, al, Almaty qalasynan Ş.Sezımhan, Almaty oblysynan Q.Berdıhan, Qyzylordadan M.Sūltanhan, Qostanaidan A.Qaliev, Qaraǧandydan T.Jamanov, Aqtöbeden A.Kerımbek, Şyǧys Qazaqstannan A.Jeŋıshazin, Türkıstan oblysynan B.Şoibekov, Soltüstık Qazaqstannan A.Şūǧataev, Batys Qazaqstannan B.Şiırmedūly syndy bırtuar aqyndarymyz kelıp baq synauda.
Aitys alamanynda qazylar alqasynyŋ töraǧasy- KSRO Halyq ärtısı, «Otan», «Qūrmet», «Qazaqstannyŋ eŋbek erı» ordenderınıŋ iegerı, qazaq ruhaniiatynyŋ ardagerı Asanälı Äşımov bolsa, Qazaqstannyŋ Halyq aqyny, Jambyl Jabaev atyndaǧy syilyqtyŋ jäne «Parasat» ordenınıŋ iegerı Äselhan Qalybekova, QR Eŋbek sıŋırgen qairatkerı, «Qūrmet», «Parasat» ordenderınıŋ iegerı, Halyqaralyq «Alaş» syilyǧynyŋ laureaty, jazuşy Marhabat Baiǧūt, Qazaqstan Jazuşylar Odaǧynyŋ müşesı, aqyn, jurnalist, QR eŋbegı sıŋgen qyzmetkerı, «Alaş», «Parasat» ordenderınıŋ iegerı Hanbibı Esenqaraqyzy men aitysker aqyndar Bauyrjan Ergenūly, Esjanova Marjan, Karima Oralova syndy azamattar qazylyq etude.
Ekı künge jalǧasatyn aqyndar aitysynyŋ jülde qory 5 mln teŋgenı qūraidy. Mäselen, Bas jülde iegerıne -2 mln. teŋge bolsa, 1 oryn -1 mln. teŋgenı qūraidy. Al ekınşı oryn alǧan 2 aqynǧa -500 myŋ teŋgeden, 3 oryn alǧan ekı aqynǧa -300 myŋ teŋge berıletın bolady.
Türkıstan saraiynda barlyq sanitarlyq normalar saqtalǧan. Körermender sany är künı 100 adamnan aspaidy.
Şymkent qalasy äkımdıgınıŋ baspasöz qyzmetı
