Būl turaly bügın Aqparattyq-kommunikasiialyq ortalyǧynda ötken baspasöz mäjılısınde Şymkent qalasy äkımınıŋ bırınşı orynbasary Şyŋǧys Mūqan mälımdedı.
– Biyl Şymkent qalasynyŋ äkımı Mūrat Äitenovtıŋ ideiasymen üşınşı megapolis Nauryz meiramyn «Nauryz – Şymkentten bastalady» atty megajobamen bastady. Būl jobanyŋ ideiasy jüzege asyp, bükıl Qazaqstan halqy osy aida Şymkentke betteitındei toilau üşın bırneşe jyl kerek. Oǧan qosa, negızgı maqsaty – parsy jäne türkı halyqtary Ūlystyŋ ūly künın halyqaralyq deŋgeide toilaityn merekege ainaldyru. Iаǧni, bükıl älem halqy Japoniiaǧa Sakuranyŋ güldeuıne, Gollandiiaǧa rauşan gülın ızdep baratyndai deŋgeige jetkızu. Būl merekenıŋ missiiasy men filosofiiasy – osy, – dedı Ş.Mūqan.
Brifing barysynda Şyŋǧys Jūmabekūly halyq jappai merekelık seruenge şyǧatyn künderge toqtaldy.
– Şymkent qalasy byltyrdan berı «jasyl aimaqta» tūr. Ötken täulıkte koronavirus infeksiiasyn jūqtyrudyŋ 36 jaǧdaiy tırkeldı. Ärine, jalpy alǧanda asa köp emes. Bıraq epidemiologiialyq ahual qalypty bolyp tūrǧan joq. Sol sebeptı Şymkent qalasynyŋ tūrǧyndary halyq jappai merekelık seruenge şyǧatyn 21, 22, 23 nauryz künderı Ūlystyŋ ūly künın jyldaǧydai dästürlı türde toilai almaidy. Al bız tızımın bekıtken 10 kündık merekelık ıs-şaralar televiziialyq formatqa köşırıledı, – dedı qala äkımınıŋ bırınşı orynbasary.
Osy oraida Şymkent qalalyq Mädeniet, tılderdı damytu jäne arhivter basqarmasynyŋ basşysy Hanzada Esenova merekelık ıs-şaralar töŋıregınde söz qozǧady.
– «Nauryz – Şymkentten bastalady» megajobasy aiasynda bügınge deiın 50-den asa ıs-şara öttı. Onyŋ ışınde aşyq alaŋdaǧy baǧdarlamalar aua-raiynyŋ qolaisyzdyǧyna bailanysty konserttık zaldarǧa auystyryldy. Būl rette merekelık keşter barlyq sanitarlyq talaptyŋ saqtaluymen ärı keluşılerdıŋ sany şektelumen ūiymdastyryldy. Al bügınnen bastap bükıl merekelık ıs-şarany televiziialyq formatqa köşırıp, qorymyzdy keremettei sättermen toltyrudy josparlap otyrmyz, – dedı Hanzada Äzımhanqyzy.
Aita keteiık, «Nauryz – Şymkentten bastalady» atty jobasy aiasynda qalada 14 nauryz – «Körısu» künı, 15 nauryz – «Jer-kök» tabiǧat künı, 16 nauryz – «Şejıre» künı, 17 nauryz – «Tarihqa taǧzym» künı, 18 nauryz – «İgı ıster» künı, 19 nauryz – «Şymyrlyq pen şeberlık» künı, 20 nauryz – «Ziiatkerlık» künı, 21 nauryz – «Ūlttyq taǧamdar» künı, 22 nauryz – «Ūlystyŋ ūly» künı jäne 23 nauryz – «Joralǧy» künı bolyp belgılengen.
Şymkent qalasynyŋ Aqparattyq-kommunikasiialyq ortalyǧy
Foto – Serık Qosai
