Bügın Şymkent qalasyndaǧy Zabadam şaǧyn audanynda «Nauryz» merekesıne orai Qazaqstandaǧy alǧaşqy «Otbasylyq kıtaphana» el igılıgıne berıldı. Būl otbasymen bırge tiımdı uaqyt ötkızuge jäne balalar demalysy üşın qolaily jaǧdai jasalǧan «üi ülgısındegı» jaŋa formattaǧy kıtaphana.
Kıtaphananyŋ erekşelıgı - ädettegı oqu oryndary şeŋberınen şyǧyp, üiırme jūmystaryn jürgızu, ıs-şaralar ötkızu, kovorking, qauymdastyqtar men klubtardy damytu mümkındıgı bar komiuniti ortalyqtar bolyp tabylady, bıraq būrynǧyşa oqu men jūmys ısteu üşın yŋǧaily oryn bolyp qala beredı.
Jaŋartylǧan kıtaphananyŋ aşylu saltanatyna qatysqan qala äkımı Mūrat Äitenov būl mekeme otbasylyq qūndylyqtar men otbasylyq demalysty ılgerıletu men därıpteuge zor mümkındık bolyp tabylatynyn atap öttı. Qala basşysy tūraqty keluşılerge arnalǧan bonustyq jüiemen, sondai-aq kıtaphana qyzmetkerlerınıŋ bılıktılıgın arttyru baǧdarlamasymen jäne aldaǧy ıs-şaralar küntızbesımen tanysty. Sonymen qatar, kıtaphana janynan aşylǧan «Şahmat» üiınde aralap kördı.
Kıtaphana jūmysymen tanysu barysynda atalǧan mekeme ūjymy qala äkımıne otbasylyq abonementın tartu ettı. Al, şahar basşysy ızgı nietke alǧys retınde kıtaphanaǧa öz atynan bırneşe kıtap syiǧa tartty.
Aita keteiık, keluşılerge otbasylyq psihologiia jäne biznestı jürgızu boiynşa taqyryptyq seksiialar ūiymdastyrylady. Sondai-aq, tūraqty oqyrmandarǧa Şymkent qalasynyŋ mädeniet basqarmasy ötkızetın oiyn-sauyq ıs-şaralaryna, spektaklderge tegın biletter ūsynylatyn bolady.
Joba avtorlary, almatylyq «Kreativtı biuro» komandasy är türlı jas toptaǧy keluşılerdıŋ qajettılıkterın eskere otyryp, jaŋǧyrtylǧan kıtaphananyŋ dizainy men intererıne ülken män bergen.
Şymkent qalasy äkımdıgınıŋ baspasöz qyzmetı
