Shymkent bike velosipedterın jalǧa alyp, yŋǧaily paidalanudy qamtamasyz etu maqsatynda joba qyzmetkerlerı velobeketterdı judy jäne kliningtık tazalau jūmystaryn jürgızdı. Barlyq 38 velobeket kliningtık tazartudan öttı.
Tazartu jūmystary aiaqtalǧan soŋ, bülıngen aqparattyq japsyrmalar auystyrylady.
Aita ketsek, bügınde Shymkent bike äleumettık-innovasiialyq jobasy aiasynda Şymkent qalasynda 160 velosipedke arnalǧan 384 tūraq orny bar. 38 velobeket ıske qosylǧan.
Jüienıŋ jūmysy "jasyl ekonomika" ürdısıne säikes kün energiiasymen jūmys ısteitındıkten kommunikasiialarǧa qosyludy talap etpeidı.
Jalǧa alu jüiesı qalanyŋ kölık infraqūrylymynyŋ maŋyzdy äleumettık elementı bolyp tabylady jäne
jyldyq abonementtıŋ qūny bar bolǧany 10 000 teŋgenı qūraidy (ailyq abonement – 2500 teŋge, 3 ailyq abonement – 6000 teŋge), būl rette paidalanuşy erejenı saqtai otyryp – ärbır sapary 30 minuttan aspaidy, jüienı paidalanu üşın eşqandai basqa qarajat jūmsamauy mümkın.
Jüienı paidalanu belsendılıgı negızınen üi-jūmys-üi baǧdary boiynşa jüredı. Qolaily aua - raiy kezınde demalys retınde seruendeu üşın jaldau körsetkışterı joǧary bolyp tūr. Jaldau taŋǧy 07:00-den tüngı 03-ke deiın, iaǧni täulık boiyna qoldanylady. Saparlardyŋ 85% - y tegın (30 minuttan aspaidy) jäne 15% - y aqyly, 30 minuttan asady.
Paidalanuşylar arasynda 64% erler jäne 36% äielder, ortaşa jasy — 20-45 jas. Paidalanuşylardyŋ 70% - dan astamy "Shymkent Bike" velosipedterın köpşılık kölık qūraly retınde paidalanady.
Sonymen qatar, studentter, zeinetkerler jäne 3 toptaǧy mügedekter üşın abonementterdı resımdeuge 50% jeŋıldık berıledı, olar jüienı paidalanuşylardyŋ 60% - yn qūraidy.
Kün saiyn saǧat 08.00-den 03.00-ge deiın tehnikalyq qoldau qyzmetı beketterge tehnikalyq qyzmet körsetudı, velosipedterdı servistık tekserudı qamtamasyz etedı.
Jobanyŋ köpşılıkke qol jetımdılıgın qamtamasyz etu maqsatynda "İmran" SO aldynda satu bölımı jūmys ısteidı. Satu bölımı düisenbıden senbıge deiın saǧat 09.00-den 21.00-ge deiın jūmys ısteidı.
Abonenttık tölem:
1 aiǧa Abonement-2500 teŋge;
3 aiǧa Abonement – 6000 teŋge;
1 jylǧa Abonement-10 000 teŋge.
Tarifter:
1 saǧat – 100 teŋge
2 saǧat - 250 teŋge
3 saǧat-500 teŋge
3 saǧattan keiıngı saǧat 1000 teŋgeden.
Qoǧamdyq velosipedterdı jalǧa alu jüiesı aua raiy jaǧdaiyna jäne jyl mezgılıne qaramastan velosipedterdı täulık boiy paidalanuǧa arnalǧan, öitkenı tehnikalyq sipattamalary boiynşa Shymkent bike avtomattandyrylǧan veloprokat jüiesınıŋ barlyq elektrondyq jabdyqtary -25°C-tan +60° - qa deiıngı diapazonda jūmys ısteidı.
Şymkent qalasy äkımdıgınıŋ baspasöz qyzmetı
