Elımızdegı epedemiologiialyq ahualǧa bailanysty Şymkentte Nauryz merekesı jappai toilanbaidy. Osyǧan orai
"Jyl basy - äz Nauryz" dumandy ıs-şarasy tek televiziialyq nūsqada ūsynylady (uaqyty qosymşa habarlanady).
21-nen 22-ne qaraǧan tünı "Nauryz belgısı" sanalatyn Qydyr baba, Jer ana sekıldı keiıpkerler JAŊA JYLDY, iaǧni jaŋa künnıŋ şyǧuyn qarsy alady. Merekelık qoiylym, än-bi barlyǧy arnaiy tüsırılıp, qala tūrǧyndaryna merekelık köŋıl küi syilau maqsatynda teledidardan körsetıledı.
«Jyl basy-Äz Nauryz» merekesınıŋ arnaiy tüsırılımıne daiyndyq jūmystary Eskı qalaşyq (Sitadel) janynda boi köterıp kele jatqan «Şymqala- etno auyl» atty jaŋa qūrylys aumaǧynda atqaryluda. Jaŋa nysan qūrylysy aiaqtalǧannan keiın el igılıne berıledı.
Qūrmettı qala tūrǧyndary men qonaqtary!
Mereke kezınde karantin talaptaryn saqtap, qarapaiym saqtyq şaralaryn ūstanuǧa şaqyramyz.
Barşaŋyzǧa mereke qūtty bolsyn!
Şymkent qalasy äkımdıgınıŋ baspasöz qyzmetı
