Qazaqstannyŋ bas sanitar därıgerı Erlan Qiiasov koronavirus infeksiiasynyŋ taraluyn aldyn alu maqsatynda qaulysyna özgerıster men tolyqtyrular engızdı.
2020-2021 oqu jylynyŋ törtınşı toqsanynda:
- kontingentı 300 oquşyǧa deiıngı qalalyq jäne auyldyq mektepterde synyptardaǧy bala sany 25-ten asyrylmai dästürlı formatta oqytylady;
- bılım beru ūiymy äkımşılıgınıŋ şeşımı boiynşa sabaqtan tys uaqytta 15 adamnan aspaityn toptarda oquşylardy jeke oqytuǧa rūqsat etıledı;
- jasyl jäne sary aimaqta ornalasqan öŋırlerdegı jalpy bılım beretın mektepterde barlyq synyptardyŋ oquşylary üşın bala sany 25-ten aspai aralas formatta oqytylady.
- jalpy bılım beretın mektepterde 1 synyptan bastap 5 synypty qosa alǧanda, halyqaralyq mektepterde 1 synyptan bastap 7 synypty qosa alǧanda, mektep aldy synyptarynyŋ oquşylary üşın synyptardaǧy bala sanyn 25-ten asyrmai aralas formatta oqytylady;
- oqu bıtıretın synyptar (9, 11 (12) synyptar) üşın aptanyŋ 6 künı ışınde: pänderdıŋ 70%-yn ştattyq rejimde, 30%-yn qaşyqtan aralas formatta oqytuǧa rūqsat etıledı.
