Saltanat Qoldasova Şymkent qalasy Tötenşe jaǧdailar departamentı Ört söndıru jäne avariialyq-qūtqaru jūmystary qyzmetınıŋ №4 ört söndıru bölımınıŋ radiotelefonist lauazymynda qyzmet atqarady. Näzık jan öz ömırın Otanymyz üşın qūrmettı jäne jauapkerşılıgı joǧary mamandyqpen bailanystyrǧan. Temırdei berık mınezdı, ekstremaldy jaǧdailarǧa ärdaiym daiyn öz ısınıŋ mamany.
Azamattyq qorǧau praporşigı Saltanat hanym Qyzylorda qalasynda tuyp, sonda ösken. 1992 jyly orta mekteptı bıtırgennen soŋ ol öz ömırın örtke qarsy qyzmetımen bailanystyrudy şeşedı. Qyzylorda qalasyndaǧy №154 ört söndıru bölımıne radiotelefonist qyzmetıne ornalasady. 2003 jyly ol Şymkent qalasynyŋ «101» qyzmetıne auysady.
Bır qaraǧanda örtke qarsy qyzmettıŋ radiotelefonisterınıŋ qyzmetı qiyn emes körınedı. Alaida būl olai emes. Orta eseppen eseptegende täulıgıne türlı sipattaǧy 100-ge juyq qoŋyraular kelıp tüsedı. Al ört qauıptı kezeŋde odan da köp bolady. Radiotelefonist tek qoŋyraulardy qabyldap qoimaidy. Ol aqparatty naqtylaidy jäne qaida janyp jatqandyǧyn, adamdarǧa qauıp tönıp tūrma barlyǧyn anyqtaidy, alynǧan mälımetterge qarap, jöneltıletın tehnikalar men ört söndıruşılerdıŋ sanyn anyqtaidy. Odan bölek dispetcher polisiia, jedel-järdem jäne basqa da qyzmettermen habarlasady. Al auqymy ülken örtterde būl qiynyraq bolady.
Ol tek öz ısınıŋ mamany ǧana emes, süiıktı jar jäne köpbalaly ana. Onyŋ tört balasy bar. Saltanat hanymnyŋ kışı ūly Erasyl bolaşaqta ört söndıruşı-qūtqaruşy bolǧysy keledı. Al anasy ony tolyq qoldaidy. Öitkenı ol el igılıgı üşın qyzmet etu-laiyqty ıs dep sanaidy. Sondai-aq onyŋ ülken qyzy därıger, ülken ūly Polisiia Departamentınıŋ qyzmetkerı.
Özınıŋ mınsız qyzmetı üşın Saltanat Qoldasova «Örtke qarsy qyzmet organdaryndaǧy mınsız qyzmetı üşın» - III därejelı, «Örtke qarsy qyzmet organdaryndaǧy mınsız qyzmetı üşın» - II därejelı, «Örtke qarsy qyzmet organdaryndaǧy mınsız qyzmetı üşın» - I därejelı medalımen marapattalǧan.
Jūmysta ol – radiotelefonist. Salmaqty, jauapkerşılıgı mol, der kezınde şeşım qabyldai alady, al üide basqada äielder sekıldı süiıktı jar jäne qamqor, meiırımdı, näzık, ūqypty ana. Basqa sözben aitqanda ört söndıru qyzmetınıŋ näzık küşı, sondai-aq öz ısınıŋ mamany.
Şymkent qalasy äkımdıgınıŋ baspasöz qyzmetı
