Qazaqstandyq qūralaidy közge atqan mergenderımız Ündıstandaǧy Älem kubogynda 4 medaldı (1 altyn, 2 kümıs, 1 qola) qanjyǧalaryna bailady.
18-29 nauryz aralyǧynda Ündıstannyŋ Niu-Deli qalasynda stend jäne oq atudan Älem kubogy ötıp jatyr. Tartysty jarysqa älemnıŋ 53 elınen 300-ge juyq mergen sportşy qatysuda.
21 nauryzda «SKEET» jattyǧuynda äielder arasynda jerlesımız şymkenttık Kravchenko Zoia 114 ūpai sanymen 5-şı bolyp finalǧa enıp, tartysty sätte Ūlybritaniia sportşysy Hilldan bır ǧana nysandy mült jıberıp, kümıs medal jeŋıp aldy (finaldyq nätije 51 ūpai).
Al 22 nauryz künı «SKEET» jattyǧuynda äielder arasynda Şymkent qalasynyŋ 3 mergenı komandalyq esepte Kravchenko Zoia, Nasyrova Rinata men Panarina Olga 327 ūpaimen finalǧa ekınşı bolyp enıp, bairaqty besekede alaŋ ielerı Ündıstannyŋ äielder qūrama komandasyn tıze büktırıp, nätijesınde sportşylarymyz altyn medaldı qanjyǧalady.
Sonymen qatar, «SKEET» jattyǧuynda erler arasynda qazaqstandyq sportşy jıgıtter komandalyq esepte Pochivalov David (Şymkent q.), Eşenko Eduard (Almaty q.) pen Muhamediev Aleksandr (Şymkent q.) 501 ūpaimen finalǧa enıp, qola medalge ie boldy.
Jarystyŋ altynşy künınde «SKEET» jattyǧuynda qazaqstandyq 1-aralas qūrama komandasy komandalyq esepte Panarina Olga (Şymkent q.) men Eşenko Aleksandr (Almaty q.) 140 ūpaimen finalǧa ekınşı bolyp enıp, dodada kümısten alqa taqty.
Älem kubogynyŋ 23 nauryzdaǧy medaldı nätijeler boiynşa elımızdıŋ qūramasy - 3 orynda tūr.
Şymkent qalasy äkımdıgınıŋ baspasöz qyzmetı
