№1 qalalyq emhanada óziniń mamandyǵyna naǵyz berilgen dáriger jumys jasaıdy. Býbaısha Iýnýsova búginde adam densaýlyǵynyń jarshysy qyzmetin abyroımen atqaryp júrgen qatardaǵy qyzmetker.
Ol Tashkenttegi Orta azııalyq medıınalyq pedıatrııalyq ınstıtýtta bilim alǵan. Keıinnen Iangııýl qalasyndaǵy kósalaly balalar aýrýhanasynda ınternatýrany aıaqtaǵan.
Shymkent qalasyna 2004 jyly kelgen. Sodan qaladaǵy №1 qalalyq emhanada balalar dárigeri bolyp jumys jasaǵan. Bul baǵytta 14 jyl úzdiksiz qyzmet etip, 2019 jyly qaıta daıarlyqtan ótkennen keıin jalpy tájirıbeli dáriger boldy.
- Pedıatr nemese jalpy tájirıbeli dáriger bolý – alǵashqy medıınalyq kómek kórsetetin mamandar. Aldyn alý, aýrýdyń belgisin anyqtaý, sala mamandaryna baǵyttaý sekildi jumystardy atqaramyz. Ózimniń aýmaǵymdaǵy naýqastarǵa tipti túnde de medıınalyq keńes berip, úıine barýyma týra keletin kezder bolady, - deıdi aq halatty.
Býbaısha Tájikúlqyzy - jumysyna óte uqypty, adal, ár naýqasqa bar nıetimen qamqorlyq tanytyp júredi. Áriptesteri onyń árqashan kómek qolyn sozyp júretin minezi men biliktiligin joǵary baǵalaıdy.
Otyz jyldyq medıınalyq tájirıbesinde túrli marapattaýlarǵa da ıe bolǵan.
Shymkent qalasy ákimdiginiń baspasóz qyzmeti
