№1 qalalyq emhanada özınıŋ mamandyǧyna naǧyz berılgen därıger jūmys jasaidy. Bubaişa Iýnusova bügınde adam densaulyǧynyŋ jarşysy qyzmetın abyroimen atqaryp jürgen qatardaǧy qyzmetker.
Ol Taşkenttegı Orta aziialyq medisinalyq pediatriialyq institutta bılım alǧan. Keiınnen Iаngiiul qalasyndaǧy kösalaly balalar auruhanasynda internaturany aiaqtaǧan.
Şymkent qalasyna 2004 jyly kelgen. Sodan qaladaǧy №1 qalalyq emhanada balalar därıgerı bolyp jūmys jasaǧan. Būl baǧytta 14 jyl üzdıksız qyzmet etıp, 2019 jyly qaita daiarlyqtan ötkennen keiın jalpy täjıribelı därıger boldy.
- Pediatr nemese jalpy täjıribelı därıger bolu – alǧaşqy medisinalyq kömek körsetetın mamandar. Aldyn alu, aurudyŋ belgısın anyqtau, sala mamandaryna baǧyttau sekıldı jūmystardy atqaramyz. Özımnıŋ aumaǧymdaǧy nauqastarǧa tıptı tünde de medisinalyq keŋes berıp, üiıne baruyma tura keletın kezder bolady, - deidı aq halatty.
Bubaişa Täjıkülqyzy - jūmysyna öte ūqypty, adal, är nauqasqa bar nietımen qamqorlyq tanytyp jüredı. Ärıptesterı onyŋ ärqaşan kömek qolyn sozyp jüretın mınezı men bılıktılıgın joǧary baǧalaidy.
Otyz jyldyq medisinalyq täjıribesınde türlı marapattaularǧa da ie bolǧan.
Şymkent qalasy äkımdıgınıŋ baspasöz qyzmetı
