Şymkent qalasy äkımınıŋ ökımımen qalalyq tūrǧyn üi basqarmasynyŋ basşysy bolyp Azamat Rysjanov taǧaiyndaldy. Qala äkımı apparatynyŋ basşysy Ǧ.Mäulenqūlov basqarma basşysyn ūjymǧa tanystyryp, qyzmetıne sättılık tıledı.
Azamat Jaqypbekūly 1988 jyly Oŋtüstık Qazaqstan oblysynda düniege kelgen. Bılımı - joǧary, qūqyq magistrı. E.Buketov atyndaǧy QarMU jäne AQŞ-taǧy Pensilvaniia universitetınde oqyǧan.
Alǧaşqy eŋbek joly QR Ädılet ministrlıgındegı basqarmalarda sarapşy boludan bastalǧan. Keiınnen bas sarapşysy, basqarma basşysy, direktor orynbasary, ministrdıŋ keŋesşısı, Şymkent qalasy boiynşa Ädılet departamentı basşysynyŋ orynbasary qyzmetterın atqarǧan.
Sonymen qatar, QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı Maŋǧystau oblysy boiynşa departamentınıŋ konsultanty, bas sarapşysy bolǧan.
2020 jyldan bügınge deiın QR Bılım jäne ǧylym ministrlıgınıŋ Ǧylym komitetı töraǧasynyŋ orynbasary lauazymynda qyzmet etıp kelgen.
Şymkent qalasy äkımdıgınıŋ baspasöz qyzmetı
