Mynaý jigittiń ómirbaıanyn oqysań, endi óte tamasha. Bul Kılıan Mbappe - fýtbolıst, PSJ shabýylshysy, jasy 22-de ǵana. 1998 jylǵy. Fýtbol naryǵyndaǵy ortasha baǵasy 180 mıllıon AQSh dollary. Jyldyq tabysy 18 mıllıon AQSh dollary.
Ata anasy osy balany órletý úshin talaı qıynshylyqty bastarynan ótkeripti. Jalpy, Eýropa elderi naǵyz daryndylardy tanıdy, tańdaı biledi. Olarǵa jaǵdaı jasaı biledi, jattyqtyra biledi, kózderin keleshekke, perspektıvaǵa asha biledi. Ol jaqta tek sapaǵa qaraıtyny osy jigittiń, basqa da ataqtylardyń ómirinen anyq kórinedi.
Bizdiń elde daryndylardy eshqashan baǵalamaıdy. Eshqashan baǵalamaıdy, kepildik beremin. Sondyqtan bizdiń daryndylar óz elinde emes, shetelge baryp ózin damytsa eken. Oǵan da qarajat kerek. Biraq báribir shetelge baryp, ózderin damytqanyn qoldaımyn. Bizde aram aqshany qulqynyna tyqqan aqsaýsaqtar ǵana alǵa shyǵady. Sodan ǵoı, zııanynan basqa nátıje joq.
Bizde fýtboldy toqtatý kerek. Jemqorlyqqa batyp qalǵan sala osy. Qazirgi fýtboldyń paraǵyn jabý kerek. Jeke azamattardyń qolyna tapsyrý kerek bıznes retinde. Sodan keıin ǵana tańdaý bolady, daryndylardy irikteıdi. Al, qazirgi fýtboldyń paraǵyn jaýyp, tarıhyn osymen támámdaǵan durys.
Bular báribir nátıje bermeıdi. Sebebi bári bıýdjetti tonap, aram aqshany jep úırengen. Ózimizdiń fýtboldy kórmeımin, júıkem ornynda turǵany jón dep sanaımyn. Jyndy bolyp ketemin men ózimizdiń fýtboldy kórsem.
Bekbolat QARJAN,
"Adyrna" ulttyq portaly
