Qazaqstan prezıdenti "Halyqaralyq qaryz arhıtektýrasy jáne ótimdilik" atty joǵary deńgeıdegi jıynǵa qatysty, dep habarlaıdy Aqorda.
Memleket jáne úkimet basshylary deńgeıindegi onlaın forýmdy ótkizýge BUU Bas hatshysy Antonıý Gýterrısh, Kanada jáne Iamaıkanyń premer-mınıstrleri Djastın Trıýdo men Endrıý Holness muryndyq boldy. Is-shara COVID-19 pandemııasy kezeńinde halyqaralyq kúsh-jigerdi damý baǵytyn qarjylandyrý salasyna qaraı jumyldyrýǵa arnaldy.
Teńizge shyǵatyn joly joq damýshy memleketter tobynyń tóraǵasy retinde sóz sóılegen Qasym-Jomart Toqaev koronavırýs pandemııasy bastalǵaly beri topqa múshe elder qandaı qaýipti qubylystarmen betpe-bet kelgenine toqtaldy. Memleket basshysy, sheteldik ınvestıııalardyń azaıýy, saýda-sattyq pen aqsha aýdarymdarynyń tómendeýi, qarjylyq qaryzdardyń ósýi, ortasha alǵanda ekonomıkanyń 2,4 proentke quldyraýyn mysalǵa keltirdi.
Toqaev teńizge shyǵatyn joly joq damýshy memleketter tobyna múshe elderdiń pandemııa saldarynan týyndaǵan qarjylyq qıyndyqtaryn jeńildetýge baılanysty birqatar naqty usynysyn ortaǵa saldy.
Qasym-Jomart Toqaev dúnıejúzilik banktiń daǵdarysqa qarsy 160 mıllıard dollar kólemindegi kómegi men halyqaralyq valıýta qory beretin 1 trıllıon dollar kredıt júıesin pandemııa saldarynan aıtarlyqtaı zardap shekken elderge bólý asa mańyzdy dep sanaıdy. Prezıdent jahandyq qarjy qurylymdaryn, BUU ınstıtýttaryn, sondaı-aq, ózge de halyqaralyq jáne óńirlik uıymdardy teńizge shyǵatyn joly joq damýshy memleketter tobyna múshe elderdiń ekonomıkalyq ósimdi qaıta qalpyna keltirýge baǵyttalǵan is-qımyly kezinde olardyń erekshe qajettilikterine basa mán berýge shaqyrdy.
Sonymen qatar Qasym-Jomart Toqaev BUU-nyń teńizge shyǵatyn joly joq damýshy memleketter tobyna múshe elderge arnalǵan Vena baǵdarlamasyn júzege asyrý jónindegi jol kartasynyń ózektiligi arta túskenine toqtaldy. Osyǵan oraı seriktes memleketterdi Addıs-Abeba baǵdarlamasynda belgilengen barlyq jeti baǵyt boıynsha júrgiziletin jumystardy jumyla atqarýǵa, sondaı-aq, damytý maqsatyndaǵy resmı kómektiń qazirgi deńgeıin saqtap qalýǵa úndedi.
Memleket basshysy halyqaralyq qoǵamdastyqty teńizge shyǵatyn joly joq damýshy memleketter tobyna múshe elderdiń densaýlyq saqtaý júıesin damytýdy qoldaýǵa, sondaı-aq, qajetti vakınany ýaqytyly jáne tıimdi baǵada satyp alýyna kómek kórsetýge shaqyrdy. Prezıdent topqa múshe elderdiń ornyqty ınfraqurylymyn yntalandandyrý jáne saýda-sattyq rásimderin jeńildetý, ıfrlyq transformaııaǵa qol jetkizýine qoldaý kórsetý qajettigi týraly atap ótip, jeke sektordyń qaıta qalpyna keltirý jumystaryna belsendi qatysý kerektigin aıtty.
Qasym-Jomart Toqaev memlekettik deńgeıde qabyldanyp jatqan sharalarǵa toqtalyp, Qazaqstan "BUU-nyń gýmanıtarlyq kómek kórsetý jónindegi jahandyq josparyn" júzege asyrýǵa eleýli úles qosqanyn jáne koronavırýsqa qarsy kúres kezinde birqatar shet memleketterge járdem bergenin eske saldy.
Memleket basshysy qazaqstandyq "KazAID" halyqaralyq damý agenttiginiń iske qosylǵany jaıynda málimdep, Ortalyq Azııa elderi men Aýǵanstanǵa qoldaý kórsetý múmkindigi bar BUU-nyń Ornyqty damý ortalyǵyn Almatyda ashý jumystary jaıynda aıtty. Prezıdent Qazaqstannyń ózge memleketter men kópjaqty uıymdarǵa kórsetken qoldaýy retinde osyndaı qadam jasap otyrǵanyn jetkizdi.
Qasym-Jomart Toqaev sóz sońynda vakına salýǵa jáne ekonomıkany qaıta qalpyna keltirýge birshama ýaqyt ketip, soǵan sáıkes uzaqmerzimdi perspektıvada onyń saldary ondaǵan jyldar boıyna saqtalýy yqtımal ekeni jaıyndaǵy boljamyn ortaǵa saldy. Onyń pikirinshe, azamattardyń osal toptaryn, elder men ekonomıkany qorǵaý úshin qazirgi qabyldanyp jatqan sharalardyń barlyǵy ortaq múddeni kózdeıdi. Memleket basshysy munyń daǵdarystan shyǵatyn birden-bir jol ekenine senimdi jáne ony halyqaralyq qoǵamdastyqtyń ortaq mindeti dep sanaıdy.
Forýmǵa Argentına, Venesýela, Egıpet, Italııa, Kanada, Pákistan, Túrkııa, Qatar, Franııa, Ekvador, Japonııa, Iamaıka jáne basqa da memleketterdiń basshylary, sondaı-aq, BUU Bas hatshysy Antonıý Gýterrısh, Halyqaralyq valıýta qorynyń, Ekonomıkalyq yntymaqtastyq jáne damý uıymynyń, Dúnıejúzilik banktiń, Dúnıejúzilik saýda uıymynyń, Eýropalyq odaq pen Afrıkalyq odaqtyń jetekshileri qatysty.
