"Nūr Otan" partiiasynyŋ deputaty İrina Unjakova Densaulyq saqtau ministrlıgın synǧa aldy, dep habarlaidy «Adyrna» tılşısı.
Onyŋ aituynşa, halyq vaksinany qalai jäne qaidan qabyldau kerek ekenın bılmeidı.
«Keşe Densaulyq saqtau ministrı halyqty ekpe qabyldauǧa taǧy bır märte şaqyrdy. Bıraq sūraq tuyndaidy: qaida baru kerek, qaidan egılu qajet? Öitkenı, aimaqtardaǧy emhanalarda vaksinalar joq. Būl jaǧdai ötken jyldy eske tüsıredı. Bır jyl būryn halyq PTR-synamasyn qaida jäne qaşan tapsyruǧa bolatynyn bılmedı. Bügıngı taŋda elımızde qalyptasqan jaǧdai Densaulyq saqtau ministrlıgınıŋ koronavirusqa qarsy küreste öz täjıribesınen de, älem täjıribesınen de sabaq almaǧanyn körsetıp tūr. Al älemdık täjıribe aiqyn. İzrail, Ūlybritaniia, Slovakiia, Sloveniia, Serbiia, Singapur jäne basqa da bırqatar elderde halyqtyŋ jartysynan 90 paiyzǧa deiın egıldı»,-dedı Unjakova.Sondai-aq deputat elımızde qalyptasqan ahualǧa köŋılı tolmaitynyn jetkızdı.
«Qazaqstanda Densaulyq saqtau ministrlıgınıŋ aqparaty boiynşa, 101 myŋnan astam adam vaksinasiialandy. Būl 0,7 paiyzdy qūraidy, iaǧni halyqtyŋ bır paiyzy ǧana. Vaksinasiia ekı ai būryn bastaldy. Osyndai qarqynmen jalǧastyrsaq, 19 millionǧa juyq tūrǧynnyŋ 70 paiyzyna ekpe egu üşın şamamen 15 jyl qajet bolady»,-dep mälımdedı ol.
«Adyrna» ūlttyq portaly
