Qoǧamymyzdaǧy eŋ qauıptı mamandyqtardyŋ bırı – ört söndıruşı maman qyzmetı. Olar kün saiyn öz ömırın täuekelge tıgıp, tılsız jaumen alysady. Talai adam ömırın aman saqtap, öz jūmysyn adal atqaryp kele jatqan jandar elımızde az emes. Solardyŋ bırı - Şymkent qalasynyŋ tötenşe jaǧdailar departamentı Memlekettık ört baqylau basqarmasynda aǧa injener, azamattyq qorǧau kapitany Azamat Buldurykov.
Ärbır qūtqarylǧan adam-örtke qarsy qyzmettıŋ kyzmetkerlerı üşın ülken quanyş jäne sättılık. Osyndai quanyşqa jäne halyqtyŋ alǧysyna bölenıp jürgen Azamat myrza köptegen ırı jäne sozylmaly örtterdı söndıru kezınde aldyŋǧy şepten körındı. Solardyŋ bırı 2017 jyly «Şymkent Mūnai Önımderı» AQ mūnai bazasynyŋ rezervuar parkındegı oryn alǧan örttı söndıru barysynda Azamat Buldurykov öz tabandylyǧyn körsetıp, jeke qūramǧa ülgı bola bıldı. Osy örtte körsetken erlıgı üşın «Tötenşe jaǧdaidaǧy erlıgı üşın» medalımen marapattalǧan.
Sonymen qosa jas maman A.Baitūrsynov köşesınıŋ boiyndaǧy köpqabatty üi päterınıŋ bırınde oryn alǧan örttı söndıru barysynda käsıbilıgın taǧy da däleldedı. Ol törtınşı qabatta päterge tolǧan tütınnen tūnşyqqan äiel kısımen onyŋ nemeresıne tez arada kömek körsetıp, sülgını sulap tynys alu organdaryn jauyp, balany köterıp, qart kısını jetektep syrtqa betteidı. Üşınşı qabatqa jetkende gaz-tütınnen qorǧau qyzmetınıŋ buynyn körıp qolyndaǧy qyzdy ärıptesıne berıp, özı äiel kısını syrtqa alyp şyǧyp, alǧaşqy medisinalyq kömek körsetedı. Odan ärı üige qaita kırıp, örttı söndıruge jetekşılık ettı. Atalǧan örttı söndıru barysynda 3 adam qūtqarylyp, 7 adam qauıpsız aimaqqa köşırıldı. Üidıŋ tūrǧyndary ömırın qūtqarǧan ört söndıruşılerge alǧysyn bıldırıp, Şymkent qalasy TJD bastyǧynyŋ atyna alǧys hat jazdy.
Jas bolsada özınıŋ bılıktılıgın tanyta bılgen azamattyq qorǧau kapitany Azamat Buldurykov Qazaqstan Respublikasy Prezidentınıŋ 2020 jylǧy 3 jeltoqsandaǧy Jarlyǧymen «Erlıgı üşın» medalımen jäne QR Işkı ıster ministrlıgınıŋ atynan «Tötenşe jaǧdailardyŋ aldyn aluda jäne joiuda üzdık şyqqany üşın» medelımen marapattalǧan. Sonymen qosa, ol «Qazaqstannyŋ 100 jaŋa esımı» jobasynyŋ törtınşı kezeŋıne qatysu üşın ötınım bıldırgen.
Şymkent qalasy äkımdıgınıŋ baspasöz qyzmetı
