Şaǧyn jäne orta biznestı damytuda memlekettık baǧdarlamalardyŋ kömegı zor. Osy baǧdarlamalar arqasynda bügınde öz käsıbın aşyp, şaruasyn döŋgeletkenderdıŋ sany artyp keledı. Solardyŋ bırı - Şymkent qalasynyŋ tūrǧyny Bekjan Ernazarov. Jasy 32-de.
Ol byltyrǧy jyldyŋ şılde aiynda «Bastau biznes» käsıpkerlık negızderı jobasymen oqyp, sertifikat alyp, qaitarymsyz memlekettık grantqa qūjat ötkızgen. Nätijesınde biznes jobasyn sättı qorǧap, qyrküiek aiynda «Eŋbek» memlekettık baǧdarlamasy şeŋberınde grantqa ie boldy.
Jas şeber qazırgı taŋda sandyq şeberhanasyn aşyp, tapsyrysqa zamanaui ülgıde türlı oiu-örnektelgen sandyqtardy, qyz-jasau jäne t.b zattardy jasaudy qolǧa alǧan. Bekjan būl şeberlıktı özı üirengen.
«Özıme ūnaityn ıspen ainalysyp, tapsyrys jasauşylardyŋ köŋılınen şyǧuǧa tyrysamyn. Är qazaqtyŋ üiınde osyndai oiu-örnegı bar sandyqtardyŋ boluy kerek» deidı jas käsıpker. Aldaǧy uaqytta öz ısın damytyp, sapaly jihazdardy jasaudy da josparlap otyr.
Aita keteiık, Şymkent qalasynda ötken jyly «Eŋbek» memlekettık baǧdarlamasy aiasynda 5 myŋnan astam azamattyŋ ärqaisysy 200 ailyq eseptık körsetkıştı qūraityn qarjylai qoldauǧa ie bolǧan. Memlekettık grant negızınde qaitarymsyz qarajat alǧan qala tūrǧyndary öz ısterın bastap otyr. Olar köbınese tıgın, qolöner şeberhanasy, konditerlık önımder äzırleu men mal şaruaşylyǧyna taŋdau bıldırgen.
Şymkent qalasy äkımdıgınıŋ baspasöz qyzmetı
