Qazırgı zamanda ömırge qauıp töndıretın jaǧdaiǧa tap bolu öte jiı kezdesedı. Olardyŋ ışınde balalardyŋ balalyǧymen örttıŋ şyǧuy jiı oryn alyp jatady. Sondyqtan balaǧa öz ıs-äreketterın tüsıne bastaǧan şaqta ört qauıpsızdıgı jaiynda jäne janu jaǧdaiy kezınde özın ūstau erejelerın üiretken jön.
Osyndai jaǧdailardyŋ oryn almauy üşın Şymkent qalalyq TJD Qaratau audandyq bölımınıŋ basşysy E.Tasqaraev balalarǧa arnap animasiialyq multfilm şyǧarudy qolǧa aldy. Joba avtory Erkebūlan Tasqaraev «Bebeu» dep atalatyn tuyndyny Azamattyq qorǧanys salasynyŋ 25 jyldyǧyna arnap otyr.
Animasiialyq tuyndyda ört söndıruşılerdıŋ kündelıktı ömırı körınıs tapqan. Mysaly, «Bebeu» de äkesı siiaqty ört söndıruşı bolǧysy kelıp, bır künı äkesınıŋ jūmysyna barady. Bıraq äkesı onyŋ älı jas ekenın aityp, üiıne qaitarady. Qaitar jolda Bebeu türlı oqiǧalarǧa tap bolǧan adamdarǧa kömektesedı. Osy arqyly bız ört söndıruşılerdıŋ qyzmetın körsetkımız keldı deidı Erkebūlan.
Erkebūlan Tasqaraev Tötenşe jaǧdailar qyzmetı salasynda 2010 jyldan berı eŋbek etıp keledı. Onyŋ büldırşınderge arnap jazǧan äŋgımesı äuelı komiks kıtapşa retınde jaryq kördı. Keiın taqyryp auqymy keŋeiıp, özektı jobaǧa ainalyp otyr. Ol ötken jyly animasiialyq studiiadaǧy mamandarmen bırlesıp, tuyndynyŋ treilerın şyǧardy. Treiller retınde tanylǧan «Bebeudıŋ» tolyqmetrajdy multfilm bolatyn künı de alys emes. Avtor qyzmet barysynda erlıkpen qaza bolǧan ärıptesterınıŋ ömırın körsetu üşın jobany keleşekte serialǧa ainaldyrudy josparlap otyr.
Şymkent qalasy äkımdıgınıŋ baspasöz qyzmetı
