Jol jöndeu jūmystarynyŋ barysynda bırınşı kezekte sapasy sala mamandarynyŋ jıtı qadaǧalauynda bolu qajet. Sonymen qatar, tehnikalyq qadaǧalauşylar tarapynan oryndalǧan ärbır jūmysqa zerthanalyq synaqtamalar jürgızılıp, sapasy tekserıluı tiıs. Mūndai tapsyrmany Şymkent qalasynyŋ äkımı Mūrat Äitenov kezektı ret D.Qonaev daŋǧyly men T.Rysqūlov köşesı qiylysyndaǧy jol airyǧy qūrylysynyŋ barysyn tekseru barysynda aitty.
Bügınge deiın, 3,74 şaqyrym su, gaz qūbyrlary men 4 şaqyrym elektr symdarynyŋ orny auystyrylyp, 7 dana baǧana ornatyldy. Sonymen qatar, 320 metr jer asty ötkelı qazylsa, 260 metr tıreu qabyrǧalary men 110 dana qada qūiu jūmysy aiaqtalǧan. Jer asty ötkelınıŋ ışkı qabyrǧalaryn granit taqtaişalarmen qaptau josparlanuda.
Qala äkımı Qonaev daŋǧyly jalǧasynyŋ qūrylysyn baryp kördı. Nysannyŋ jalpy ūzyndyǧy 580 metr. Köşenıŋ enı 42 metr, 6 jolaqty. Qazırgı taŋda, jol jamylǧysymen bırge 400 metr jūmys aiaqtalǧan. Köşe qūrylysy üşın jeke menşık üilerdı memleket ielıgıne alǧannan keiın qalǧan bölıgın qūru jūmysy jürgızıledı.
Qūrylystyŋ I kezeŋın aiaqtau osy jyldyŋ mausym aiyna josparlanyp otyr. Al nysannyŋ II kezeŋınıŋ qūrylys jūmystaryn bastau üşın, iaǧni, «Magnoliia» dükenınen Tereşkova köşesıne deiıngı aralyqta jeke menşık üilerdı memleket ielıgıne alǧannan keiın bastalatyn bolady.
Şymkent qalasy äkımdıgınıŋ baspasöz qyzmetı
