Qazırgı uaqytta qalada dauyl, jauyn-şaşyn saldarynan elektr energiiasy jiı öşude. Qala tūrǧyndarynan keltırılgen qolaisyzdyq üşın keşırım sūraǧan energetikter oryn alyp jatqan keleŋsız jaǧdailardyŋ özındık bırneşe sebebın atap öttı.
Esterıŋızge sala keteiık, Şymkent qalasynda aǧymdaǧy jyldyŋ 21 nauryz künı Abai audany aumaǧynda ornalasqan «Samal» 110/10 kV elektr taratu qosalqy stansiiasynda bolǧan aqau saldarynan ört şyqqan bolatyn. Apat saldarynan qaladaǧy 21 myŋ abonent («Nūrtas», «Nūrsät», «Şymsiti», «Niusiti ADS», «Soltüstık-Batys», «Samal-3», «Asar» şaǧynaudandary, Kökjailau TK, Tölemetov köşesındegı köpqabatty üiler) elektr quatynsyz qalǧan.
Olardy qaita elektr quatyna qosu üşın 110/10 kV «Samal» elektr taratu qosalqy stansiiasyndaǧy uaqytşa 10 kV taratu beketı ornatylyp, elektr quaty berıldı. Sondai-aq, 28 nauryz künı atalǧan taratu beketınde aqau oryn aluyna bailanysty (kerneu transformatory ısten şyqqan) elektr quaty berıluın toqtatty. Sol sebeptı, «Samal-3», «Asar» şaǧynaudandary jäne Tölemetov köşesı boiynda ornalasqan tūrǧyn üiler, şamamen 5 myŋǧa juyq abonent elektr quatynsyz qaldy. Bıraq «OŋtüstıkJaryqTranzit» JŞS-ı jäne «Quatjyluortalyq-3» MKK-nıŋ apatty joiu brigadasymen qalpyna keltırıp, qazırgı uaqytta oryn alǧan kemşılık joiylyp, elektr quaty berıldı.
Aita keteiık, Abai audany aumaǧynda ornalasqan «Samal» 110/10 kV elektr taratu qosalqy stansiianyn tolyq qalpyna keltıruge şamamen 1 ai uaqyt qajet etetının habarlaimyz. Sondai-aq, Şymkent qalasy aumaǧyndaǧy keibır eldı mekenderındegı elektr taratu beketı belgısız tūlǧalar tarapynan tonalyp, ışındegı keibır jabdyqtary ūrlanǧan. Bırneşe ret oryn alǧan mäselenı toqtatu maqsatynda Şymkent qalasy energetika jäne kommunaldyq şaruaşylyq basqarmasynyŋ ūiymdastyruymen «QuatJyluOrtalyq-3» MKK jäne «Oŋtüstık Jaryq Tranzit» JŞS tarapynan arnaiy kezekşılık ūiymdastyryldy. Degenmen, elektr taratu beketterınıŋ tonaluy tyiylmaǧan. Alaida polisiia qyzmetkerlerınıŋ kömegımen küdıktıler ūstaldy. Qazırgı taŋda tergeu amaldary jürgızılıp jatyr.
Şymkent qalasy äkımdıgınıŋ baspasöz qyzmetı
