Bügın Aqparattyq-kommunikasiialyq ortalyǧynda ötken brifingte Şymkent qalalyq Bılım basqarmasynyŋ basşysy Janat Täjieva 2020-2021 oqu jylynyŋ IV toqsanynda oqu prosesın ūiymdastyru, oquşylardy 1-synypqa qabyldau jäne ūlttyq bıryŋǧai testıleu boiynşa jan-jaqty baiandady.
– Şymkentte biylǧy oqu jylynyŋ IV toqsanynda jalpy bılım beretın mektepterde synyptaǧy oquşy sany 25 adamnan asyrylmai aralas formatta oqytylady. Sonymen qatar 300 oquşyǧa deiıngı mektepterde oquşy sanyn 25-ten asyrmai dästürlı formatta oqytu ūiymdastyryluda. Al sabaqtan tys uaqytta bılım beru äkımşılıgınıŋ şeşımıne säikes 15 adamnan aspaityn topta jekelei oqytuǧa rūqsat etıledı. Būl şeşımder negızınde bız qalalyq Bas sanitardyŋ Qaulysyna süienemız, – dedı J.Täjieva.
Basqarma basşysynyŋ aituynşa, joǧarǧy synyp oquşylaryn attestattau 9-synyptarda 28 mamyr – 7 mausym, al 11-synyptarda 1–10 mausym aralyǧynda barlyq sanitarlyq talapty saqtai otyryp ūiymdastyrylady. Odan bölek, 1-synypqa balalardy qabyldau 11 qadamnan tūratyn nūsqama arqyly jürgızıledı. Qūjattar elektrondy formatta «Elektrondyq ükımettıŋ» veb portaly arqyly 1 säuırden 1 tamyzǧa deiın qabyldanady.
Baspasöz mäjılısınde Janat Arysbekqyzy biyl ötetın Ūlttyq bıryŋǧai testıleudıŋ erekşelıgıne toqtaldy.
– Būl jyly Ūlttyq bıryŋǧai testıleu boiynşa talapkerlerge 4 mümkındık berılıp otyr. Aqyly testıleudıŋ bırınşısı qaŋtar aiynda öttı. Al ekınşısı 10 nauryz ben 10 säuır aralyǧynda ötıp jatyr. Osy oraida ümıtker aqysyz grantqa tüsu mümkındıgı boiynşa säuırdıŋ 11-ı men mausymnyŋ 30-y aralyǧynda 2 ret öz baǧyn synai alady. Ol üşın oquşy test tapsyratyn oryndy, kündı jäne uaqytty öz qalauy boiynşa taŋdaidy, – dedı basqarma basşysy.
Aita keteiık, qalada IV toqsan barysynda ata-analarǧa balalaryna mektep formasyn satyp aludyŋ qajetı joq. Būl dästürlı tərtıp mındettelmeidı. Iаǧni, oquşylarǧa bılım oşaǧyna erkın, ūqypty jäne jinaqy kiımde baruǧa rūqsat berılıp otyr.
Eskertetın jait, bılım beru ūiymdarynda sabaq oqytu barysynda barlyq sanitarlyq talap saqtalady.
Şymkent qalasynyŋ Aqparattyq-kommunikasiialyq ortalyǧy Foto – Ernar Mamyr
