Qūqyq qorǧau salasynda er azamattarmen qatar qoǧam qauıpsızdıgın qamtamasyz etu jolynda eŋbek etıp jürgen qyz-kelınşekter de az emes. Solardyŋ bırı – Şymkent qalasy Polisiia departamentı Jyldam qimyldaityn arnaiy jasaq taǧylymdanuşysy – Angelina Lukas.
Ol Taraz qalasynyŋ tumasy. Angelina osy qaladaǧy jalpy mekteptı bıtırgen soŋ, otbasymen Astanaǧa qonys audarady. Nūr-Sūltan qalasyndaǧy «Astana» universitetıne oquǧa tüsıp, Halyqaralyq qatynastar mamandyǧyn igerıp şyǧady. Angelina sabaqty jaqsy oqyp qoimai, jastaiynan sportpen, 12 jasynan bastap bokspen ainalysady. Mūnan bölek, bimen de şūǧyldanady.
Angelina Aleksandrovna 2017 jyly Şymkent qalasynyŋ Boks federasiiasynyŋ şaqyrtuymen Şymkentke keledı. 2020 jyldan berı Işkı ıster organdary qatarynda. «Bolaşaq mamandyǧymdy bala kezımde anyqtaǧandaimyn. Bastauyş synypta «Kım bolǧym keledı?» degen taqyrypta şyǧarma jazdyq qoi. Sol kezde menı polisiia mamandyǧy qyzyqtyrdy», - deidı jas polisei.
Kez kelgen sarbazdyŋ general boludy armandaityny sekıldı Angelina da qyzmet satysynda bılıktı tūlǧa boludy maqsat tūtady. Respublikalyq, halyqaralyq deŋgeidegı sporttyq şaralarǧa qatysyp, jüldelı oryndardy ielenıp jür. Atap aitsaq, juyrda äielder arasynda ötken Türkiiadaǧy älem chempionatynda jüldelı 3-orynǧa ie boldy. Bolgariia Respublikasynda äielder arasyndaǧy bokstan ötken Evropa kubogynan jüldelı 2-oryndy jeŋıp aldy. Karantin kezınde kündelıktı jattyǧulardyŋ arqasynda Bolgariia, Türkiia elderıne baryp, 20 künde 7 ret şarşy alaŋǧa şyǧyp, öner körsettı.
Aldaǧy uaqytta Angelina Aziia chempionatyna qatysyp, Jazǧy olimpiadaǧa qatysuǧa ümıtker ekendıgın de jasyrmady. Elımızdıŋ bolaşaǧy üşın eŋbek etıp jürgen ämbebap poliseidıŋ alar asuy alda. Ärqaşan Polisiia departamentınıŋ namysyn qorǧap jürgen sportşy qyzdarymyzben maqtanamyz!
Şymkent qalasy äkımdıgınıŋ baspasöz qyzmetı
